Børsdagen: Nytt botnnivå og «all-time high»

Sjå børstabell for Nordvestlandet under

Onsdag enda med ny «all-time high» for hovudindeksen på Oslo børs med 1312,26 poeng, etter ein oppgang på 0,19 prosent.

Stigande oljepris bidrog mellom anna til å sende Equinor-aksjen opp. Eit fat nordsjøolje låg ved stengetid på drygt 91 dollar fatet.

Like lystig vart ikkje dagen for hydrogenselskapet Hexagon Purus. Aksjen sank - saman med Arctic Bioscience - mest av selskapa frå Nordvestlandet.

I løpet av dagen var kursen nede i 10,86 kroner aksjen, som er ny botnnotering for selskapet. Sluttkursen enda på 11 kroner.

Heilt siden utgangen av februar har kursutviklinga stort sett vore negativ, men fallet har teke til sidan midten av september. Den førre botnnoteringa til aksjen kom 8. oktober og var på 11,04 kroner.

Hexagon Purus lagar tankar og system for bruk av hydrogen som energiberer, og batteripakkar og -system. Selskapet har vekse, men driv fremdeles med tresifra millionunderskot.

Også Arctic Bioscience hadde ein raud dag og snuste på ny botnnotering etter eit fall på 4,35 prosent i løpet av dagen. Sluttkursen vart 8,80 kroner - 20 øre over førre botnnivå frå 11. oktober.

Børstabell for Nordvestlandet: