Børsdagen: Nytt tosifra millionminus

Salsinntektene auka frå 51 til 72 millionar kroner i andre kvartal i år samanlikna med andre kvartal i fjor. Frå første halvår i fjor til første halvår i år auka salsinntektene fra 95 til 124 millionar kroner.

Både i år og i fjor har selskapet hatt gevinst på å skille ut deler av veksemda i tillegg, som gjer at samla driftsinntekt (sjå tabell) er større enn salsinntektene. Trenden er uansett klar, Hofseth Biocare held fram med å auke driftsinntektene, men underskota er framleis i tosifra millionklasse kvart kvartal.

Hofseth Biocare foredlar avskjer og restråstoff frå laks til ingrediensar til helsekost og kjæledyrfôr. Dei utviklar óg produkt som kan bli legemiddel. Hovudkontoret ligg i Ålesund, produksjonsanlegget i Midsund.

Les børsmelding her

Før børsopning i dag var aksjekursen i Hofseth Biocare 2,05 kroner aksjen. I dag steig kursen 4,39 prosent, til 2,14 kroner aksen, som verdset selskapet til 810 millionar kroner.

I november 2019 var kursen over 10 kroner, etter ein bratt kursauke sidan juni same år, då kursen låg rundt 2,50 kroner aksjen.

Etter toppen i november 2019 har aksjekursen i selskapet stort sett hatt ein fallande trend og hittil i år er den ned 21,76 prosent.

Artikkelen er oppdatert, mellom anna med aksjekursar for børsnoterte selskap på Nordvestlandet, etter at børsen stengte i ettermiddag.