Børsdagen: Offshore-oppgang på raud børs

Sjå børstabell for Nordvestlandet under

Offshorereiarlaga Golden Energy Offshore og Havila Shipping var, saman med Atlantic Sapphire, dagens vinnarar av dei børsnoterte selskapa frå Nordvestlandet.

Sistnemnte aksje har hatt eit kraftig kursfall siste månaden frå kring 4,5 kroner aksjen til dagens 1,68 kroner. Torsdag fekk likevel aksjen ein liten rekyl og steig fem prosent.

Årsaka til at investorane har mista trua, er dårlegare inntening enn venta, fordi laksen i det landbaserte anlegget i Florida, USA, har vekse mindre enn planlagt.

Selskapet med adresse i Vestnes, håpar det blir ei betring på situasjonen framover. Måndag denne veka fekk dei levert kjølarar som skal installerast i løpet av månaden, ifølgje Intrafish.

Golden Energy Offshore og Havila Shipping-aksjane steig 2,8 og 2,78 prosent og enda på høvesvis 1,10 og 9,77 kroner aksjen.

Elles vart det minus for dei fleste selskapa frå Nordvestlandet på børsen torsdag.

Også hovudindeksen enda i solid minus med 0,78 prosent til 1.296,00 poeng.

Børstabell for Nordvestlandet: