Børsdagen: Opp og ned

Aksjekursen i mobiltelefoniselskapet Nortel steig fem prosent i dag etter at selskapet sende ei børsmelding om kontrakter med mellom andre Statens Vegvesen, Tolletaten, Mattilsynet og Kystverket, med i alt 2000 brukarar.

I tillegg har selskapet inngått ein avtale om å levere abonnement med ubegrensa data til alle tilsette i Gassco, som omfattar over 200 brukarar.

Avtalen med dei offentlege verksemdene er ei konkretisering av ein avtale med Statens Innskjøpssentral, som Nortel melde om i juni i år.

Avtalen gjer Nortel til sekundærleverandør av telefonitenester til 120 offentlige verksemder.

Avtalen omfattar inntil 3600 abonnentar av total 24 000 abonnenter i verksemdene, og gjeld for to år, med opsjon til fornying i to pluss ett år – til saman fem år.

Helsekost- og medisinfirmaet Arctic Bioscience hadde invitert investorar, analytikarar og media til ein presentasjon av selskapet i dag.

Der var mellom andre professor Kåre Steinar Tveit, som leidde det første medisinske testprogrammet av Arctic Bioscience sitt silderognbaserte middel mot hudsjukdomen psoriasis. Det er eit middel som no skal gjennom ein større, internasjonale test, eit nytt steg på vegen mot ei eventuell legemiddelgodkjenning.

Om presentasjonen hadde nokon effekt på børskursen var den i så fall negativ.

Arctic Bioscience-kursen fall 4,06 prosent, til 13 kroner aksjen.

Det er den lågaste aksjekursen selskapet har hatt sidan børsnoteringa i februar 2021. Då var kursen 27,50 kroner aksjen.

Dagens aksjekurs verdset selskapet til 317 millionar kroner.