Børsdagen: Trur på dobling for Hexagon Composites

Hexagon Composites og Hexagon Purus steig begge på Oslo børs tydag. 

Sluttkursen for sistnemnte vart 1,64 kroner opp nær 8 prosent, medan Hexagon Composites enda på 12,62 - opp nær 3 prosent i løpet av dagen.

Oppgangen kjem etter at den svenske bankgruppa SEB som utarbeider analyser for Hexagon Composites, held på sin kjøpsanbefaling for Hexagon Composites-aksjen. Samtidig justerer dei ned kursmålet frå 30 til 24 kroner - dobbelt så høgt som kursen per i dag, skriv Finansavisen. 

Hexagon Composites har fått hard medfart av investorane siste veka og kursen har falle drygt 20 prosent. Nedgangen så langt i år er på over 70 prosent.

Selskapet lagar tankar og system for bruk av natur- og biogass som energikjelde, mellom anna for lastebilar og industri og anlegg. 

Hexagon Composites henta førre veke inn 590 millionar kroner i ny eigenkapital til selskapet. Prisen for å vere med på kapitalutvidinga vart sett ut frå interessa for å vere med og emisjonskursen enda på 14 kroner. 

Fleire saker om Hexagon Composites

Fallet i ettertid er eit teikn på tapt tillit og investorane kunne fått aksjane rimelegare ved å kjøpe dei på børsen. I ettertid har selskapet beslutta å droppe ein påfølgjande mindre emisjon, ifølgje ei børsmelding måndag.  

Hovudindeksen på Oslo børs starta tysdagen i pluss og haldt seg der til slutten av dagen. Indeksen slutta med ein oppgang på 0,88 prosent til 1655,91 poeng. 

Børstabell for Nordvestlandet: