Hav Group i Herøy skal samarbeide med reiarlag og Ålesund-selskapet Norwegian Hydrogen om å utvikle frakteskip som går på hydrogen.
Den meldinga sende Hav Group ut før børsen opna i dag.
Ved børsslutt fredag var aksjekursen i Hav Group 10 kroner. Klokka 09:16 hadde den stige til 11,10 kroner aksjen.
Det er Hav Group sitt dattterselskap Hav Hydrogen som er part i samarbeidet. Selskapet leverer brenselceller og anna utstyr i system, som gjer at skip kan bruke hydrogen som energiberar.
Hav Group ble børsnotert i 2021 då etterspørselen etter alt som kunne kallast grønt var stor på børsen.
På det høgaste, i mars 2022, var kursen oppe i 17,80 kroner aksjen. I oktober i fjor var kursen nede under 8,40 kroner aksjen.
Hittil i år har kursen stige over 15 prosent sidan årsskiftet.
Artikkelen er oppdatert, med aksjekursar til børsnoterte selskap på Nordvestlandet, etter at børsen vart stengt for dagen.
| Børsdagen | ||
| Selskap | Kurs i kroner | %-Endring i dag |
| Hav Group | 10,80 | 8,00 % |
| Havila Kystruten | 0,86 | 1,18 % |
| Hexagon Composites | 23,35 | 1,08 % |
| Atlantic Sapphire | 1,10 | 0,92 % |
| Sparebanken Møre | 85,29 | 0,91 % |
| Hexagon Purus | 7,15 | 0,85 % |
| Hofseth Biocare | 2,08 | 0,48 % |
| Romsdal Sparebank | 110,48 | 0,00 % |
| Havila Shipping | 6,00 | 0,00 % |
| Golden Energy Offshore Services | 1,79 | -0,28 % |
| Arctic Bioscience | 10,00 | -0,99 % |
| Endúr | 46,65 | -1,37 % |
| Norva 24 Group* | 27,15 | -1,63 % |
| Salmon Evolution | 7,50 | -2,47 % |
| * Kurs i SEK |
Publisert: 13.05.2024 15:07
Sist oppdatert: 13.05.2024 16:52
