Børsdagen: Rekord for Norva24

Ideen til det som er blitt Norva24-konsernet blei klekt ut i Stryn, og hovudkontoret og ein del hovudkontorfunksjonar til konsernet ligg også der.

I dag steig aksjekursen i Norva24 3,84 prosent på børsen i Stockholm, der selskapet er notert (sjå tabell). Der er ny rekordnotering. Selskapet er no verdsett til 6,7 milliardar svenske kroner - 6,4 millionar norske kroner.

Selskapet Invest24 er tredje største aksjonær med 6,86 prosent av aksjeposten. Invest24 har tre eigarar, som med dagens kurs eig Norva24-aksjar for nesten 150 millionar norske kroner kvar.

Arild Bødal i Stryn eig ein tredjepart av Invest24 gjennom sitt selskap AHB Invest.

Malvin, Ivar, Kan Erik og Kristian Sandbakk i Stryn eig til saman ein tredjepart gjennom sitt selskap Isco.

Den siste tredjeparten eig medlemer at Birkelandfamilen i Hordaland gjennom selskapet JKT Birkeland Invest.

Norva24-selskapa driv på fleire felt:

Innsamling, transport og behandling av slam frå private septiktankar, kommunale kloakkrenseanlegg og renseanlegganlegg.

Vedlikehald og inspeksjon av kommunale vass-og avløpsanlegg, kummer og anna infrastruktur knytta til eigedom, vegar og næringsbygg og -areal. Det omfattar mellom anna spyling og kamerainspeksjon av alle typar ledningsnett, tøming og kontroll av ulike kummar, kloring og trykkprøving av ledningsnett, tøming av sandfang, vegkummar og feittavskillarar.

Tømming og rensing av blant anna skipstankar og tankar og rør på fleire industri- og raffinerianlegg, mellom andre Mongstadraffineriet.

Selskapet blei børsnotert i desember 2021, og nådde sin førebelse kurstopp på 36 svenske kroner aksjen i 7. januar i år.

Deretter gjekk det nedover.

Botnen blei nådd 1. april med kurs 21,80, eit fall på 39 prosent sidan toppen før stemninga snudde. Sidan har det gått mest oppover.