Børsdagen: Rekord på rekord for Kongsberg

Krig og maritimt oppsving har gjort Kongsberg Gruppen til ein børsrakett.

Som produsent av våpen og våpensystem og også produsent av utstyr til skip får Kongsberg Gruppen draghjelp av auka etterspørsel i to marknadar samstundes.

I dag steig kursne til 1234 kroner, opp 4,14 prosent sidan i går. Det er ny rekord. Kursen verdset konsernet, der staten eig 50,004 prosent av aksjane, til 217 milliardar kroner.

Med anlegg og kontor på Longva, i Brattvåg, Ålesund, i Hareid og Ulstein er Kongsberg Gruppen ein stor privat arbeidsgivar også på Nordvestlandet. Med opprustninga og fornyinga av flåten til det norske forsvaret ligg den militære delen av Kongsberg Gruppen an til å også få ein plass i verksemda til konsernet på Nordvestlandet.

Kongsberg Gruppen varsla i vår at den legg sitt sjømilitære sitt kontor til Ålesund nettopp for å dra nytte av det maritime miljøet på Nordvestlandet for å dra i land forsvarskontraktar til konsernet.