Børsdagen: Skrell over hele linja

Sjå børstabell for Nordvestlandet under

Børsuro over store delar av verda, smitta over på Oslo børs fredag. Etter toppnotering tidlegare i veka, fall hovudindeksen kraftig.

Ved 12-tida var fallet kring to prosent, og ved 15-tida hadde indeksen falle med 2,5 prosent i løpet av dagen. Mot slutten av dagen vart det verre - og indeksen slutta ned 2,94 % til 1408,88 poeng.

Etter stengetid fredag, har Oslo børs stige 7,83 prosent i år. Også ved Wall Street og dei asiatiske børsane har pilane peike nedover.

Hofseth Biocare var det einaste av dei børsnoterte selskapa frå Nordvestlandet, som auka i løpet av dagen med kring ein halv prosent.

Verst utvikling hadde ei stund Arctic Bioscience med eit fall på nær 14 prosent, men den henta seg inn mot slutten av dagen. Aksjen kom óg frå ein opptur dagen føre.

Hexagon Purus og Hexagon Composites var også nær botnen av taparlista då, med fall på meir enn sju og fem prosent. Mot slutten av dagen blanda også Golden Energy Offshore og Atlantic Sapphire seg inn i «botnstriden».

For oljeprisen peika pila først oppover og eit fat olje blei handla for over 80 dollar tidleg på dagen. Utover ettermiddag stupte også oljeprisen ned til under 78 dollar ved 15-tida, og vidare ned til kring 77 dollar ved stengetid.

Børstabell for Nordvestlandet: