Børsdagen: Smell for Nortel-aksjen

Kursen i Nortel fall i dag 4,50 kroner per aksje til 16,80 kroner aksjen. Det er eit fall på 21,50 prosent og 85 millionar i tapt verdi på ein dag for mobiltelefoniselskapet frå Ålesund.

Selskapet kom tidlegare denne veka med tal for 1. halvår og ein optimistisk, men ikkje tidfesta prognosen om at det er på veg mot overskot.

Den første reaksjonen i aksjemarknaden var positiv. Kursen steig 11,11 prosent, til 20 kroner.

Veksten held fram, til klokka 10:10 i dag. Då vart det handla 5000 aksjar i selskapet. Klokkar 15:45 vart det handla 25 aksjar, til kurs 16:85.

Mandag vil det vise seg om dette berre var eit merkleg utslag på slutten av børsveka, eller om aktørane i aksjemarknaden meiner Nortel bør ligge på nivået ved børsslutt i dag.

10.mai i år var kursen til Nortel ned i 16 kroner, som er botnrekorden til selskapet.

Fleirtalet av børsselskapa på Nordvestlandet hadde kursfall i dag (sjå tabell).

Hovudindeksen på Oslo Børs steig 0,26 prosent i dag.