Sjå børstabell for Nordvestlandet under
Tidleg fredag la Hofseth Biocare fram resultat for 4. kvartal i fjor som viste høgare inntekter – og tresifra millionunderskot.
Pilane peika opp for inntektene med kring 35 prosent for heile fjoråret. Samtidig auka også underskotet før skatt frå knappe 107 til 123 millionar.
Investorane beit seg truleg mest merke til det siste, og sende aksjen ned over ni prosent. Det var verst av dei børsnoterte selskapa på Nordvestlandet denne dagen.
Sluttkursen til Hofsteh Biocare på 2,77 kroner, er likevel 63 prosent over kursen ved inngangen til året. Då hadde kursen gått jamt nedover heile hausten. Botnnoteringa kom i starten av desember på 1,22 kroner.
Hofseth Biocare lagar helsekost- og kjæledyrfôrprodukt basert på avskjer og restråstoff frå oppdrettsnæringa. I tillegg arbeider selskaper med å utvikle produkt som kan få godkjenning som legemiddel.
Hovudindeksen på Oslo børs steig 0,4 prosent i løpet av dagen til 1488,20 poeng.
Børstabell for Nordvestlandet:
| Selskap | Kurs i kroner | %-endring i dag |
| Havila Shipping | kr 1,48 | 3,20 % |
| Norva 24 Group* | 25,90 kr | 2,78 % |
| Romsdal Sparebank | kr 126,80 | 2,67 % |
| Hav Group | kr 5,80 | 1,40 % |
| Havila Kystruten | kr 0,90 | 0,79 % |
| Hexagon Purus | kr 2,08 | 0,73 % |
| Golden Energy Offshore Services | kr 18,95 | 0,26 % |
| Endúr | kr 77,70 | 0,00 % |
| Salmon Evolution | kr 6,72 | 0,00 % |
| Hexagon Composites | kr 31,15 | -0,95 % |
| Sparebanken Møre | kr 99,79 | -1,16 % |
| Atlantic Sapphire | kr 9,40 | -2,00 % |
| Arctic Bioscience | kr 2,98 | -3,87 % |
| Hofseth Biocare | kr 2,77 | -9,18 % |
| * Kurs i SEK | ||
Publisert: 14.02.2025 16:56
Sist oppdatert: 14.02.2025 16:56
