Børsdagen: To selskap sank til ny botnnotering
Hydrogen og bioteknologi fekk unngjelde på raud børsdag.
Sjå børstabell for Nordvestlandet under saka
Hovudindeksen på Oslo børs sank torsdag med 0,54 prosent til 1252,38 poeng. Også oljeprisen peika nedover og eit fat nordsjøolje blei handla til under 88 dollar fatet ved stengetid.
Av selskapa frå Nordvestlandet vart det ny botnnotering både for Arctic Bioscience og Hexagon Purus.
Førstnemnte fall mest av dei selskapa frå regionen med 7,78 prosent til 7,82 kroner per aksje. Kursen har i løpet av oktober falle frå kring 10 kroner - om lag same nivå aksjen låg på ved starten av året.
Hydrogenselskapet Hexagon Purus noterte seg også for eit nytt botnnivå torsdag med eit fall på 2,42 prosent til 10,50 kroner aksjen.
Sparebanken Møre la tidleg torsdag fram eit resultat for 3. kvartal som viste at regionbanken tener meir pengar i år. Det gav ingen effekt på aksjekursen som peika nedover.
Børstabell for Nordvestlandet:
| Selskap | Kurs i kroner | %-endring i dag |
| Hofseth Biocare | kr 2,80 | 3,70 % |
| Hav Group | kr 9,18 | 2,00 % |
| Norva 24 Group* | 18,08 kr | 1,57 % |
| Salmon Evolution | kr 5,93 | 0,68 % |
| Statt Torsk | kr 0,50 | 0,20 % |
| Hexagon Composites | kr 25,44 | 0,16 % |
| Endúr | kr 39,50 | -0,50 % |
| Havila Shipping | kr 9,40 | -0,63 % |
| Golden Energy Offshore Services | kr 1,23 | -1,76 % |
| Hexagon Purus | kr 10,50 | -2,42 % |
| Atlantic Sapphire | kr 1,31 | -2,96 % |
| Sparebanken Møre | kr 75,60 | -3,01 % |
| Eqva (tidl. Havyard Group) | kr 2,54 | -4,87 % |
| Havila Kystruten | kr 0,82 | -5,12 % |
| Arctic Bioscience | kr 7,82 | -7,78 % |
| * Kurs i SEK | ||
Publisert: 26.10.2023 17:08
Sist oppdatert: 26.10.2023 17:09