Børsdagen: Treng gode tal

Torsdag fall aksjekursen til Havila Kystruten med 2,49 prosent, til 0,78 kroner. Det er berre like over botnoteringa på 0,77 kroner aksjen 30. oktober i år og verdset selskapet til 671 millionar kroner.

Selskapet har fått alle fire skipa i drift og henta inn i overkant av 800 millionar kroner i to kapitalutvidingar tidlegare i år, men har så langt ikkje lukkast i å få investorane i aksjemarknaden på trua på at det er gode tider i vente.

Selskapet var verdsett til over 25 kroner aksjen i august 2022 og var verdsett til over 20 kroner aksjen så seint som i november 2022. Hittil i år har kursen falle 92,77 prosent.

For aksjonærane, med Havila Holding som den største, vil difor ein kvartalsrapport fredag 1. desember som indikerer vekst og stigande lønsemd, vere ei fin julegåve.