Børsdagen: Årsbeste for Norva24

Konsernet spring ut av industrimiljøet i Stryn. Nordfjord-kommunen er også hovudkontoradressa og heimkommunen til fleire større aksjonærar i det børsnoterte selskapet, som har spesialisert seg på vedlikehald og utbetring av infrastruktur under bakken.

Modellen til Norva 24 er å vekse ved å innlemme nye selskap i bransjen i konsernet ved å ta seljarane inn på eigarsida.

Med denne modellen har dei vakse til eit børsnotert internasjonalt konsern, med verksemd i Noreg, Sverige, Danmark og Tyskland.

Planen er å vekse vidare etter same modell, og på nettsida si inviterer Norva 24 nye selskap i bransjen til å bli ein del av konsernet.

Har bygd milliardkonsern frå Stryn

I slutten av 2021 vart Norva 24 børsnotert, på Nasdaq-børsen i Stockholm.

Kursen ved børsnotering var over 32 svenske kroner og nådde ein topp på knappe 39 kroner i august 2022.

Deretter fall kursen under 18 kroner i oktober i fjor, før den byrja å stige igjen.

Dagens kurs, 29,60 kroner aksjen, er den høgste sidan april 2023.