Chile sa nei - Roald Amundsen går til Falklandsøyane

NPK-NTB: Fleire nordmenn er om bord på hybridskipet Roald Amundsen, som er på veg til Falklandsøyane etter å ha vorte nekta å leggje til i Chile, melder Bergens Tidende.
Skipet har lege utanfor kysten av Chile sidan torsdag førre veke, skriv .

Ingen smitta om bord

Hurtigruten avviser at nokon av passasjerane er «koronafaste» om bord.
– Vi har ikkje hatt eitt einaste smittetilfelle på nokon av skipa våre, og ingen om bord har nokon symptom, seier kommunikasjonssjef Rune Thomas Ege i Hurtigruten til NTB.
Han understrekar at Hurtigruten ikkje vart nekta å leggje til kai på bakgrunn av mistanke om koronasmitte, men at chilenske styresmakter har stengt grensene for alt og alle.

Framme onsdag

Skipet forlét Falklandsøyane 29. februar for ein seglas til Antarktis og fjordane i Chile. Landet har stoppa alle cruiseanløp fram til september.
Roald Amundsen skal vere framme på Falklandsøyane onsdag, ifølgje .
Hurtigruten har ein avtale med styresmaktene på øya og skal få folk heim derifrå på nokre dagar.
– Ting tek litt tid på grunn av reiserestriksjonar, men Hurtigruten har dei siste vekene fått fleire tusen menneske trygt heim frå heile verda. Det skal vi få til også her, seier Ege.
I tillegg er det fleire hundre australske legar, tannlegar og medisinske ekspertar om bord på skipet, skriv .