Avlyste turné for andre år på rad

Koronatilskot på 4,8 millionar kroner i fjor kom godt med i eit år der sirkusteltet til sirkusselskapet frå Nordfjordeid aldri blei pakka ut.

Planen var å dra ut på landevegen i slutten av mars i fjor, men då hadde allereie norske styresmakter sett kroken på døra for å samle store folkemengder tett saman.

Utan den koronastøtta hadde Cirkus Agora berre hatt 230.000 i inntekter.

I staden dekte den kostnadane og sikra og det beste resultatet selskapet har hatt etter at Smørdal i 2017 for andre gang tok til med omreisande sirkus (sjå tabell).

Fem på lønninglista
I dag har Smørdal fem på lønningslista, for å drive vedlikehald, men og for å sikre seg at han nøkkelpersonar på plass for å førebu 2022-sesongen.

Smørdal sjølv sette seg ikkje på kontoret då epidemien kom.

– Vi har i fleire år hatt turne på eldresenter, og i tillegg har vi vore på skuleførestillingar og parkar som Tusenfryd. Eg er utruleg glad og takksam for at vi hadde den erfaringa då heile Norge blei stengt ned, sa Smørdal til NETT NO i fjor.

Gjorde come-back
Smørdal starta med omreisande sirkus i 1989 og held på med det til 2009.

Etter å ha laga framsyningar for mellom anna for Den kulturelle skulesekken, Den kulturelle spaserstokken og på festivalar og private arrangement gjorde han comeback med Cirkus Agora i 2017.

Både i 2017 og 2018 var driftsinntektene høvesvis 8,8 og 11,0 millionar kroner og resultat før skatt 1,1 millionar kroner i b egger åra.