Coast Seafood i millionstrid

I 2014 avtalte Coast Seafood og Blom Fiskeoppdrett at eksportselskapet skulle ta seg av alt sal frå Blom Fiskeoppdrett, til marknadspris.
Den avtalen er det no strid om.
Blom Fiskeoppdrett har inntil vidare stoppa dei faste leveransane til Coast Seafood og fått ein kjennelse i Bergen Tingrett om at selskapet må gi Blom Fiskeoppdrett utskrift frå Coast Seafood sitt handelssystem for alle transaksjonar for alle leverandørar sør for Trondheim frå 2014 fram til i dag,
Den avgjerda er anka.

Krev start i leveransane

Coast Seafood har på si side gått til domstolen med krav om at Blom Fiskeoppdrett straks tek opp att leveransar av fisk etter avtalen.
Rettsaka er beramma i Bergen Tingrett til 2. og 3. desember i år.

Medeigar i oppdrettselskapet

"Vi mener at de over mange år har betalt under markedspris, og dermed brutt avtalen. Laksemarkedet er ganske transparent, men ørret, som vi produserer mye av, er et langt mindre marked med mindre innsikt" seier styremedlem og medeigar i Jakob Blom i Blom Fiskeoppdrett til Dagens Næringsliv.
Han vil ikkje opplyse kor stor beløp det er snakk om, men seier til avisa at selskapet sine berekningar indikerer at det er snakk om fleire tiltals millionar,
"Vi har en diskusjon om hva som er markedspris. Vi mener naturligvis at vi har betalt riktig markedspris til Blom, seier dagleg leiar og medeigar Sverre Søraa i Coast Seafood til avisa.
Striden er mellom to selskap der Coast Seafood er representert på begge sider. Coast Seafood kjøpte seg i 2016 opp frå 21 til 34 prosent eigarskap i Blom Fiskeroppdrett og Sverre Søraa sit i styret.
"Stemningen på styremøter er ikke helt topp nei" seier Jakob Blom til Dagens Næringsliv.
NETT NO har ikkje lukkast i å få ein kommentar frå Sverre Søraa.