– Det er ingen som har lyst til å sleppe dette tilbodet

Tysdag stod YSK-tilbodet ved dei vidaregåande skulane i Møre og Romsdal på sakskartet til politikarane i fylkesutvalet.
Enden på visa blei eit samrøystes vedtak om at dei ville ha ein ny sak på bordet for å vurdere oppstart frå 2022-23.
– Det er ingen som har lyst til å sleppe dette tilbodet, sa Monica Molvær (H) som enda opp med å fremme fellesforslaget som til slutt blei vedteke samrøystes.

Ny runde med skular og næringsliv

I vedtaket ber politikarane fylkeskommunedirektøren ta ei ny runde med skulane og næringslivet.
Deretter til politikarane ha ei ny sak på bordet der dei vil vurdere å opprette YSK-tilbod i kvar av dei fire skuleregionane i fylket.
Her ville dei også vurdere eit nytt tilbod ved Herøy vidaregåande skule retta mot reiseliv.

Politikarane usikre

Eigentleg skulle politikarane ta stilling til utdanningstilbodet måndag, men då blei den utsett og fleire parti var i møter om saka.
Per Vidar Kjølmoen (Ap) erkjente at det hadde vore ei vanskeleg sak.
– Med den situasjonen som næringslivet er i, har vi vore usikre på kva som er rett å gjere når det gjeld å prioritere YSK-tilboda, sa han.

Fryktar mangel på læreplassar

Råda frå både fylkeskommunedirektøren, dei vidaregåande skulane og Maritim Foreining for søre Sunnmøre (MAFOSS) er samstemte om at dette . Hovudårsaka er utfordringar med å skaffe nok læreplassar.
Kjølmoen viste til at dei samtidig risikerte at eit tilbod som næringslivet har vore svært nøgd med, forsvinn.
Frp ville i utgangspunktet starte opp att YSK-tilbodet ved Fræna, men det ville ingen andre parti vere med på. Partiet har heile tida vore motstandar av å fjerne tilboda.

Les også:

Analyse: