– Dette er verdiskaping som heile Norge treng

Fleire har peika på at Møre og Romsdal sin del av eksporten frå Norge er eit argument for at fylket skal få meir pengar til veg og andre samferdsleprosjekt.
Det vil også samferdsleminister Knut Arild Hareide legge vekt på når han skal fordele midlane i Nasjonal transportplan (NTP) for åra 2022 til 2033.
– Det er ingen tvil om at den type næringar som bidreg til eksport har ei stor betydning. Det må vi kjenne eit ansvar for når vi ser på infrastruktur, for dette er verdiskaping som heile Norge treng, sa Hareide til NETT NO då han tysdag fekk innspel til NTP i Ålesund tysdag.

Legg fram forslag om eit halvår

Samferdsleministeren fekk klar beskjed frå både NHO-direktør Espen Remme og Ulstein Group-sjef Gunvor Ulstein, om at dei var utolmodige med tempoet – spesielt når det kjem til vegbygging.
Statsråden kjem likevel ikkje med noko løfte om at fylke kan vente seg ein større del av pengane enn i dag.
– Det er ulike vurderingar, men eg legg fram ei prioritering om eit halvt år, og då håpar eg at Møre og Romsdal vil oppleve at de får ein riktig og god prioritering, er så konkret Hareide ville vere på dette tidspunktet.

– Lett å forstå prioriteringane

Hareide har sjølv oppleving frå heimplassen Bomlø om korleis vegsamband til erstatning for ferjer, hadde stor betydning.
– Eg synest det er lett å forstå prioriteringane dokke har her i fylket, sa han.
– Næringslivet og NHO er tydlege på at dei vil ha eksportvegen i Romsdalen og ferjefri E39, medan fylkeskommunen i større grad har prioritert vedlikehald på fylkesvegar. Korleis ser du på den skilnaden.
– Eg skal møte fylke seinare i dag og då kjem eg til å utfordre dei på kva som er deira prioriteringar. No har eg fått tydelege signal frå næringslivet og dei tek eg med meg til fylket, for å høyre kva dei meiner, svarar Hareide.

Meir om besøket:

Ulstein om Hafast:

NHO-direktøren til statsråden: