– Ein stor dag for Stranda

– Dette har eg eigentleg venta på sidan 1989. No skjer det endeleg.
Det seier Græsdal, som er dagleg leiar ved Strandafjellet Skisenter.

Ferdig neste sommar

I bygget vert det blant anna skiutleige, kafé og restaurant.
– Dette er ei skikkeleg storsatsing, der det også skal byggjast nye vegar, bruer og heile området vert betre og sikrare for alle.
Det er det lokale selskapet K. Nordang som står for utbygginga, som skal verte avslutta til sommaren neste år.

Les også:

Gondolstopp

Græsdal seier at gondolen vert stoppa i den første fasen av anleggsarbeidet.
– Vi får sjå om vi kan starte opp att seinare på hausten.
I sommar har gondolen gått i helgane, etter at det var full stopp på grunn av koronarestriksjonar.
– Vi har no hatt 14 driftsdagar med til saman 3.000 reisande. Det er eigentleg bra, seier Græsdal.
Bak satsinga står aktørane Per Magne Grøndahl, Frode Håkon Kjølås, Bjarte Tunold og Stig Jarle Rødseth.

God fjorårssesong

Rekneskapen for Strandafjellet skisenter for fjorårssesongen blei nyleg gjort offentleg frå Brønnøysundregistera.
Det viser dei nest høgste driftsinntektene nokon gong for skisenteret med ei omsetning på knappe 17,5 millionar kroner (sjå tabell til høgre - under om du les på mobil). Resultatet er også solid med ein driftsmargin på drygt 15 prosent.
Samla gjeld er på 54 millionar kroner, ifølgje .
Rekneskapen er ikkje direkte samanliknbart med tidlegare år, fordi skisenteret no har avvikande rekneskapsår frå 1. november 2018 til 31. oktober 2019.

Les også

: