Sjå lista over dei 100 største bedriftene på Nordvestlandet under saka

ANALYSE:

Bedriftene på Nordvestlandet fekk eit oppsving både i inntekter og lønsemd i 2019. Dei største tapa er enda meir konsentrerte om eit fåtal bedrifter og bransjar. Av selskapa på Nordvestlandet som gjekk i minus i fjor stod ti selskap for nesten 70 prosent av underskotet.
Og trass i koronaepidemien har store deler av næringslivet klart seg godt hittil i 2020.
– Det var mellom lunsj og middag 12. mars, vi hadde ingen andre val enn å stenge, sa dagleg leiar og medeigar i restaurantselskapet Bro i Ålesund, Ann-Helen Svinø til NETT NO i oktober i år.
Ho og kollegaene lever av at folk møtest. Koronaepidemien og tiltaka mot den, førde til at heile restaurantbransjen blei kasta ut i uvisse, ei uvisse bransjen framleis lever med. Bro hadde blitt det største restaurantselskapet i Ålesund allereie i sitt første heile driftsår - i 2019. 2020 skulle gi ytterlegare vekst og plussresultat.
På kjøpesenteret Amfi Moa var det til tider folketomt, som biletet frå starten av april viser. Frisørar og andre verksemder med fysisk kundekontakt måtte stenge. Andre stengde av smittvernomsyn og/eller fordi kundane uteblei.
Denne artikkelen er berre noko av innhaldet i det 84 sider store NETT NO-magasinet om næringsliv og samfunnsliv på Nordvestlandet.
Les heile . I tillegg til intervju med ein rekke optimistar frå ulike bransjar, gir magasinet for åttende år på rad oversikt over hvordan det går med næringslivet på Nordvestlandet.

Koronaboom i hagen

Nesten umiddelbart etter at store deler av aktiviteten i samfunnet vart stengt, kontortilsette flytta til heimekontor og handspritdispensarar dukka opp over alt, skaut etterspørselen i veret hos trelastleverandørane.

– Det har vore rett i taket i lengre tid, sa Rune Koppen, dagleg leiar og eigar av byggevareselskapet Koppen Industrier i Volda til NETT NO i slutten av april. Folk som måtte vere heime tok malarkost og hammar fatt, og pussa opp og bygde terrassar for harde livet.
Litt seinare på våren gjekk Anita Tilseth i Hageland Tilseth i Volda tom for settepotter og jordbærplanter. Etter første halvår hadde Hagelandkjeda ein vekst på 45 prosent, og alt av matvekstar auka enda meir.
– Vi har bemanna litt og litt opp, og gjer det framleis. Vi har framleis god aktivitet og det ser jammen santen ikkje så verst ut framover heller, sa administrerande direktør Kjell Norvoll då Nogva Motorfabrikk la fram tala for 2019 i juni i år.
Koronaepidemien og tiltaka mot den, dempa aktiviteten i ein periode, men selskapet permitterte ikkje. Alt i sommar var aktiviteten på veg tilbake til nivået før koronaepidemien kom.
Sjå lista over dei 100 største bedriftene på Nordvestlandet under saka

Produksjon i sommarferien

I løpet av våren kom varehandelen i gang for fullt, mellom anna i møbelbutikkane - noko som i sin tur slo ut i møbelfabrikkane. Ekornes, som i vår permitterte så mange av Sykkylven hamna på toppen av arbeidsløysetoppen, måtte i sommar be tilsette ta ferie på andre tider for å greie å produsere nok.

Hos Ann-Helen Svinø på Bro blei juli så bra at inntektene fekk selskapet over kneika og sikra likviditet til hausten. Om ikkje nye innstrammingar kom, var Svinø si vurdering i oktober at selskapet no kunne drive i balanse.
Ved Hotel Alexandra, ein av dei største reiselivsaktørane i regionen, reknar hotelldirektør Richard Grov med at lønnsemda for året blir god nok til at den gir nye investeringsmusklar. Og ved Kaibutikken i Måløy slo omsetninga alle rekordar. Frykta for at 2020 skulle bli eit heilsvart år for næringslivet på Nordvestlandet ser ut til å ha blitt gjort til skamme.
Men koronaepidemien er ikkje over, og utover hausten auka smitten i Europa. Før vaksiner er på plass eller epidemien brenn ut av seg sjølv, utgjer den framleis ein fare, både for helse, men også for næringslivet. Nye omfattande nedstengingar er ikkje utelukka.
Sjå lista over dei 100 største bedriftene på Nordvestlandet under saka

Tøft i verft og offshore

I tillegg til reiseliv, kultur og utelivsbransjen er både offshorereiarlaga og skipsverfta, to av dei mest sentrale delane av næringslivet på Nordvestlandet, hardt råka av koronakrisa.

Medan dei tre første truleg vil vere i god fart igjen straks koronaepidemien er over, kan dei negative konsekvensane for offshorereiarlag og skipsverft vere meir langvarig.
Databasen som NETT NO får laga til dette magasinet omfattar i alt 2512 bedrifter, kvar med minimum fem millionar kroner i driftsinntekter. 565 av desse hadde eit resultat før skatt i minus i fjor. I alt var underskotet hos bedriftene som tapte pengar på til saman 8,8 milliardar kroner.
Men heile 6,1 milliardar av dette underskotet kom frå berre 10 selskap; Vard, Kongsberg Martime CM (tidlegare Rolls- Royce Marine), Havila Shipping og Havila Ships, Ulstein Verft og morselskapet Ulstein Group, Bourbon Ships og morselskapet Bourbon Offshore Norway, Island Drilling Company og Farstad Supply (ein del av Solstad Offshore-konsernet).
I 2018 jekk 645 bedrifter i minus, med eit samla underskot på 10 milliardar kroner. 6,9 milliardar av underskotet skreiv seg frå dei 10 selskapa som var mest ille ute – langt på veg dei same som i 2019. Også blant dei 100 største er det blitt færre selskap med minusresultat. 22 i 2019, 32 i 2018.

Oljebransjen til felles

Det selskapa med dei største underskota har til felles er at dei er, eller var, ein del av oljebransjen. For Vard og Ulstein sin del var dei ein del av oljebransjen gjennom å bygge offshoreskip, men lukkast å få kontraktar på å bygge cruiseskip då offshorereiarane slutta å bestille nytt.
Både oljebransjen og verfta som har satsa på cruiseskipsmarknaden, er råka av koronapandemien. Den har redusert oljeetterspørselen, mellom anna fordi flytrafikken er kraftig redusert – og drivstoffetterspørselen med den.
I staden for eit gryande oppsving i etterspørselen etter offshorefartøy blei det i staden en ytterlegare nedtur. Smittefaren om bord i cruiseskipa har sendt dei fleste i opplag. Dermed la også cruisereiarlaga nybyggingsplanar på is.
Satsinga på å bygge cruiseskip har kosta både Vard, Ulstein og konkursråka Kleven Verft dyrt.
Håpet var at lærdomen frå første runde skulle slå ut i at verfta greidde å bygge neste runde med cruiseskip med overskot. No er den runda i beste fall utsett.
Delinga av næringslivet på Nordvestlandet, mellom tungvektarane som slit og underskogen som går i pluss, viser seg også att hos skipsverfta. Dei små og mellomstore greier seg stort sett godt, takka vere brønnbåtbygging, reparasjon og vedlikehaldsoppdrag.
Sjå lista over dei 100 største bedriftene på Nordvestlandet under

Dei 100 største bedriftene på Nordvestlandet

Tal i mill. kroner
Bedrift - driftsinntekter - res.f. skatt

Vard Group AS	7938	-1980
Bunker Oil AS	5827	80
Coast Seafood AS	4568	122
Kongsberg Maritime Cm AS	4115	-1223
H I Giørtz Sønner ASA10	3458	85
Ulstein Verft AS	2199	-225
Nordfjord Kjøtt AS	2096	12
Brødrene Sperre AS	2037	7
Platina Seafood AS	1888	52
Vard Electro AS	1633	20
Hofseth Aalesund AS	1631	11
Sparebanken Møre	1488	811
J E Ekornes AS	1478	269
Hofseth AS	1476	-20
Ocean Supreme AS	1460	43
Inmarsat Solutions AS	1442	482
Roger Hofseth AS	1357	6
Brødr. Sunde A/S	1349	151
Nor Seafoods AS	1336	16
Stokke AS	1323	137
Nils Sperre AS	1285	-14
Sfe Produksjon AS	1179	345
Optimar AS	1049	-29
Rostein AS	1046	238
Seafood Farmers Of Norway AS	1011	13
Jangaard Export AS	1003	34
Farstad Supply AS	948	-471
Norwegian Seafood Company AS	936	14
Tafjord Kraftproduksjon AS	894	264
Global Sales AS	827	4
Thermo-Transit Norge AS	810	8
Norsk Sjømat Stranda AS	800	48
Vartdal Plastindustri AS	774	39
Vard Accommodation AS	768	-62
AS Møre Codfish Comp	758	-17
West-Norway AS	731	1
Vik Ørsta AS	713	55
Tess Nord AS	713	28
Sølvtrans Rederi AS	708	271
Coldwater Prawns Of Norway AS	678	0
Hofseth Aqua AS	631	131
Mørenett AS	619	107
Selected Seafood AS	608	-1
Mmc First Process AS	604	48
Sanco Holding AS	600	91
Villa Seafood AS	595	9
Island Offshore Management AS	594	38
Domstein Sjømat AS	591	5
Star Seafood AS	586	4
Fjordlaks AS	577	15
Olympic Holding Chartering AS	566	6
Bertel O Steen Møre og Romsdal AS	551	-2
Møller Bil Ålesund AS	523	-5
Global Florø AS	513	-4
Larsnes Mek Verksted AS	512	2
Mørenot Aquaculture AS	500	-24
Triplenine Vedde AS	497	43
Rem Ship AS	494	-47
Selstad AS	485	18
Hg Handel AS	485	17
AS Aalesundfisk	475	2
Bourbon Ships AS	465	-200
Havyard Design & Solutions AS	461	4
Tafjord Marked AS	455	17
Mørenot Fishery AS	444	8
Fiskerstrand Verft AS	428	23
K. Nordang AS	427	7
Gustav Stokke AS	423	1
Img Group AS	421	53
Epax Norway AS	418	61
Møre Trafo AS	413	27
Ødegaard Engros AS	405	19
Normarine AS	401	7
Havila Ships AS	399	-214
Brunvoll Volda AS	397	24
Brødrene Aa AS	396	-16
Cod-Export AS	395	6
Myklebust Verft AS	380	25
Båtbygg AS	379	19
Jets Vacuum AS	379	37
Artec Aqua AS	378	22
Farstad Construction AS	367	-63
Sfe Kraft AS	365	14
Havila Shipping ASA	364	-894
Polar Seafrozen AS	364	5
Sperre Industri AS	362	78
Pretre AS	362	7
Nogva Motorfabrikk AS	359	37
Ulstein Design & Solutions AS	358	2
Byggfag AS	357	2
Poly Har AS	352	56
Coldwater Prawns Production AS	341	16
Nlm-Barnehagene AS	339	4
Tufjordbruket AS	328	8
Olympic Crewing AS	328	9
Phl Seagold AS	328	5
Sparebank 1 Søre Sunnmøre	327	167
Drevik International AS	324	5
Fosnavaag Pelagic AS	322	-6
Island Offshore Viii Ks	318	-108

Bedriftene er rangert etter driftsinntekter i 2019. Vi har teke utgangspunkt i einskild-selskap, ikkje konsern. Selskap i konsern dukkar difor opp fleire stader på lista. Kjelde Bisnode