Ekstra utbytte til Kongsberg-eigarane

I mai fekk aksjonærane i Kongsberg Gruppen, med staten i spissen, utbetalt 2,50 kroner per aksje i ordinært utbytte etter 2019. Det tilsvarar 450 millionar kroner.
No har selskapet vurdert utytte på nytt og bestemt seg for å betale ut eit tilleggsutbytte på 10 kroner per aksje.
Det tilsvarer 1, 8 milliardar kroner pengane skal kome på kontor i november. I tillegg skal selskapet kjøpe eigne aksjar for 200 millionar kroner,
Planen var å betale ut tilleggsutbyttet på 1,8 milliardar kroner i vår, men uvissa som den verdsomspennande koronaepidemien skapte gjorde at utbetalinga vart utsett på ubestemt tid.

Kjappare samanslåingsgevinst

Kongsberg Gruppen overtok marinedivisjonen til Rolls-Royce 1. april 2019, som mellom anna omfatta verksemder på Longva, Brattvåg, Ålesund, Hjørungavåg og i Ulsteinvik. Etter overtakinga starta detaljplanlegginga for å samordne dei to verksemdene. Der ligg Kongsberg Gruppen føre skjema, i følgje børsmeldinga om resultatet før 3. kvartal 2020.

"Integrasjonen av oppkjøpte selskaper ligger foran plan og bidrar også positivt til den solide resultatutviklingen.", heiter det i børsmeldinga.
Målet er ein samanslåingsgevinst på 500 millionar kroner årleg frå og med 2021. Ved utløpet av 3. kvartal har selskapet gjennomført tiltak som tilsvarar 445 millionar kroner i årlege samanslåingsgevinst.
Verksemdene på Nordvestlandet er samla i datterselskapet Kongsberg Maritime CM. Også der og i resten av den tidlegare marinedivisjonen til Roll-Royce har det gått rette vegen, i følgje kvartalsrapporten.
"Siden overtakelsen har vi levert positive og forbedrede resultater på den oppkjøpte virksomheten, som følge av kostnadssynergier og mersalg fra den utvidede porteføljen», seier konsernsjef Geir Håøy i Kongsberg Gruppen i børsmeldinga.
Kongsberg Maritime CM skal bli historie som eige selskap og verksemdene på Nordvestlandet blir ein del av den samla maritime verksemda til Kongsberg Gruppen. 2019-reknskapen til Kongsberg Maritime CM er truleg den siste. Den viste 4,4 milliardar kroner i driftsinntekter og 1,2 milliardar kroner i minus.

Ordrereserven krympar

Kongsberg Maritime er det største verksemdsområdet til Kongsberg Gruppen, med 12 milliardar kroner i driftsinntekter i årets ni første månadar. (sjå tabell til høgre på sida - nederst på sida om du les på mobil).
Det er i dette verksemdsområdet bedriftene på Nordvestlandet ligg.
Ordreinngangen til Kongsberg Maritime var på 3,4 milliardar kroner i 3. kvartal 2020, mot 3,3 milliardar i 3. kvartal 2019. Ordrereserven har krympa frå 12,4 til 11,8 miliardar kroner i same periode.
På det meste, etter at koronaepidemien kom, hadde Kongsberg Maritime omlag 700 permitterte. I dag er det cirak 60 som er permitterte.