Endeleg opptur etter fem år med tap

Brattvåg Fjordhotell har tapt pengar kvart år sidan 2016. Spesielt sleit hotellet under pandemien, med stor nedgang i gjestedøgn.

Men i fjor snudde det, der driftsinntektene auka kraftig til 14,8 millionar kroner. Resultatet før skatt enda på pluss, 0,3 millionar kroner, mot ein million i minus året før.

Negativ eigenkapital
Bak hotellet står eigargruppa i Samfjordkvartalet med 80 prosent av aksjane, medan Lindis Flem Harnes eig 20 prosent.

Selskapet har ein eigenkapital på minus 0,5 millionar kroner, men styret skriv i årsrapporten at eigarane om nødvendig er klare til å gå inn med meir kapital eller ansvarlege lån.

37 gjesterom
Men styret forventar ei positiv utvikling framover i takt med at selskapet har opna opp, og har også bokført 0,6 millionar kroner i utsett skattefordel.

Brattvåg Fjordhotell har 37 rom, i tillegg til kurs- og konferanserom, bar og restaurant.

Selskapet hadde 17 årsverk i fjor.