For dei som ikkje kjenner Nordøyvegen kan vi starta med ei lita oppsummering: Samferdsleprosjektet skal gi veg for kring 2700 innbyggjarar på Nordøyane, over til Ålesund og fastlandet. Prisen for bygginga er på 4,9 milliardar og vegen skal etter planen takast i bruk sommaren 2022.
For å halde oss til dei store linjene, så kan prosjektleiar Marianne Nærø fortelje at bygginga er i rute og i tråd med kostnadsberekningane: – Det er ingen endringar i sluttprisen for kontrakten, forsikrar ho til NETT NO.

Halvegs i tunneldrivinga

Nyleg kunne dei markere at dei var halvvegs med å lage 12,9 kilometer med tunnel.

– Vi bygger til saman tre undersjøiske tunnelar og no er vi komne halvvegs i tunneldrivinga, fortel Nærø.
Etter at siste salve frå Austnes-sida, flyttast tunnelriggen til Harøy – den nordlegaste av øyane for vidare arbeid. Resten av tunneldrivinga på Haramsfjordtunnelen skal drivast frå Hestøya i sundet ved Lepsøyrevet.

Nærare 500 involverte

Prosjektleiar Marianne Nerø er den som held i trådane på oppdrag frå Møre og Romsdal fylkeskommune, som er byggherre for prosjektet. Hennar oppgåve er i første rekke å kontrollere at alle firma som kjem inn i prosjektet er kvalifisert.
Skanska er hovudentreprenør og held styr på tilsette frå nær 70 ulike firma. I mai talde dei 424 personar ute på sjølve anlegget. I tillegg kjem kring 35 personar i organisasjonen til Nordøyvegen – pluss at det er folk i arbeid med prosjektet både i vegvesenet og gjennom ulike konsulentoppdrag.
Til saman betyr det at nærare 500 personar er involverte.
– Logistikken er den største utfordringa. Vi bygger overalt - og då må alle gjere det dei skal, der dei skal. Alt heng saman og det er mange prosjekt i prosjektet, fortel Nærø.
Samtidig som dei skal drive tunnelar, skal til dømes steinen som hentast ut, fraktast til rett plass på sjøfyllinga i Lepsøyrevet – der ein av bruene skal byggjast.
Prosjektleiaren påpeiker at godt samarbeid med hovudentreprenøren Skanska, har vore avgjerande for å halde skjema: – Her har vi fått rett folk på plass, understrekar ho.

Store lokale ringverknader

Fleire enn 25 av bedriftene (sjå oversikt under) som på ulike vis har arbeid med Nordøyvegen, har adresse på Nordvestlandet. Nerø har ikkje tal på kor mange tilsette som er busett lokalt – men seier det er betydeleg. Og dei aller fleste er nordmenn.

– Det er også mange lokalt tilsette i Skanska, og Eide er ein plass det kjem mange tunnelarbeidarar frå. Vi ser at det er mange lokale namn som dukkar opp, også lengre sørfrå, som Nordfjord og Sogn, legg ho til.

Skal heise på plass køyrebana

I tillegg til dei nemnte 12,9 kilometrane med tunnel, skal dei bygge tre bruer på til saman drygt 1100 meter, ny veg over Fjørtofta og ein 2,7 kilometer lang veg på ei sjøfylling ved Lepsøyrevet.
Utover sommaren vil folk sjå dei nær 40 meter høge brusøylene reise seg i sundet. I september skal sjølve køyrebana på plass ved hjelp av store kraner.
– Køyrebana er no i produksjon i Polen og kjem på lekter hit, så blir den heist på plass. Utover sommaren blir det enormt med aktivitet for å få brufundamenta klare til å montere stål på, seier prosjektleiaren.

Les også:

Sjå fleire bilde og les om prosjektet på (ekstern lenke)

Leverandørar til Nordøyvegen

(lokale firma med adresse i parentes)

Aarstad & Bjørnhaug bemanning
ABO Høvelservice AS (Tennfjord)
ACO anlegg (Tennfjord)
ACO transport AS (Tennfjord)
Adecco Solutions AS
AK Marine AS
Aksel Abottnes
Alfa Eiendomservice (Molde)
Alseth Engineering
AS Amundsen diving
B Sveinsson Anlegg AS
BB Crewing AS
Blom byggservice
Bon Service OU (Estland)
Brattvaag Electro (Brattvåg)
Bravida Norge
Bukser og berging (Ålesund)
Busengdal Transport (Stordal)
Entreprenørservice
Ferdigbetong AS
Harestad elektriske
Haugholt Anleggsservice AS
Implenia Norge
Ingelsrud gård DA
Jakobsen transport
John Morten Sandvik AS
Johs. J. Syltern
K. Ødegård undervannsservice AS (Eide)
Karlsen Undervannsservice
KB Spennteknikk
Longva Maskin (Brattvåg)
Lyster Diving (Eidsvåg)
Manpower
Master Sealing technology
MBT Personalrespons AS
Mesta
Mjelde bygg AS
Module piping (Tomrefjord)
Møre entreprenør (Ålesund)
Møre miljøsanering AS (Stranda)
NCC Industry, avd. Hercules Fundamentering
Nordvest fjellsprenging, (Vatne)
Norsk Boreteknikk (Ålesund)
Norwest AS (Haramsøy)
Odin tilkomstservice AS (Kristiansund)
Opshaug Sandtak (Stranda)
Polarmatic OY
Prosystem
Rauma Cata OY
Robert Engdahl
Roger Jordalen maskin AS
Røbecks
SH Service og montasje
Sjøentreprenøren AS
Skog-kompaniet AS
Smørholm AS
Spor
ST Interiør
Steen Betongpumping
T Engene
T. Røbekk (Langevåg)
Taraldsvik Services
Thors biltransport Thor Bentsen
Toten transport
Trio maskinlag AS (Vestnes)
Tronds Marine Service
TT Anlegg 2 AS
Unicon (Ørsta/Stette )
UtleieCompagniet
Vassbakk & stol AS
Vasto Pukk AS (Skodje)
Veidekke entreprenør AS
Veøy Møre (Ålesund)
Wasa Dredging
Wexus gruppen
Borg Armering
Dekkmann
Johansen V.V.S AS (Brattvåg)
Nordic Crane Midtnorge (Skodje)
Storfjord Betongsaging AS (Skodje)
Odd Småge (Aukra)