Først med naprapat i Nordfjord

- Det finst ikkje naprapatar i Nordfjord frå før, så dette vert eit heilt nytt tilbod, seier dagleg leiar Ole Theodor Hovden, i ei pressemelding.
Han ser heller ikkje vekk i frå at det kan verte fleire klinikkar i Nordfjord etter kvart.
- Vi har mange pasientar som har reist til Sunnmøre for å få behandling. No ser vi fram til å kunne hjelpe fleire lokalt, seier han.

Åtte klinikkar

Nordvest Naprapatklinikk får til saman åtte klinikkar etter nyopninga i Stryn. Dei er lokaliserte i Ålesund, Ulsteinvik, Fosnavåg, på Stranda og i Bergen.
Selskapet omsette i fjor for 3,7 millionar kroner, og hadde eit resultat før skatt på 0,2 millionar (sjå tabell).
Naprapatane behandlar muskel-og skjelettplager i heile kroppen.
- Det er mange som kjem til oss som har vore plaga med smerter i rygg og nakke, seier Hovden.

Manuell behandling

Han opplyser at naprapatane behandlar manuelt og prøver å finne årsaka til desse smertene.
- Vi jobbar også med førebyggjande arbeid som til dømes skreddarsydde treningsopplegg, forklarer seier han.
Ole Theodor Hovden er hovudeigar i selskapet med 57,11 prosent av aksjane. Sandra Lande Rise og Magnus Nord eig 21,19 prosent kvar.