Første vindkraft-kontrakt for Vard

Skipet er teikna av Vard Design, men det skal byggast ved Vard sitt verft i Vietnam.
Dette er den første kontrakten om bygging av serviceskip til vindkraftbransjen Vard har signert, ifølgje kommunikasjonssjef Hege Aksevoll i Vard.

Det er danske Ørsted som skal bygge ut og drive feltet utanfor Taiwan, der det 84,4 meter lange og 19,5 meter breie skipet skal frakte folk og utstyrt til og frå. Skipet har plass til 87 personar i einmannslugarar og skal leverast i første halvår 2022.

Ventar vekst

Vard skal bygge skipet for Ta San Shang Marine Co., Ltd., som er eit samarbeidsselskap mellom Mitsui O.S.K. Lines Ltd. og Ta Tong Marine Co., Ltd.
Fincantieri er optimistisk til utviklinga i for vindkraftproduksjon til havs, i følgje børsmeldinga. Marknaden for utbygging og drift av vindkraftanlegg til havs er i ferd med å utvide seg til å bli verdsomspennande etter å ha vore dominert av Europa i starten. Vard har allereie utvikla fleire konsept for vindkraftindustrien og er rusta for å dra fordel av den venta veksten, ifølgje meldinga.

Kan konkurrere

Slike skip kan også byggast i ved dei norske Vard-verfta, men kan dei norske verfta konkurrere på pris?
- Ja, absolutt. Vi tek gjerne tilsvarande kontrakter til dei norske verfta. Denne gang var det Vard Vung Tau som passa best inn i byggeprogrammet, skriv Erik Haakonsholm i ein e-post til NETT NO. Haakonsholm er leiar for forretningsområdet Offshore & Specialized Vessels i Vard.
- Korleis vurderer de sjansen for at det skal bli inngått vindkontraktar ved dei norske verfta?
Vi ser på dette segmentet som viktig, og jobbar for å sikre nye ordrar innan dette segmentet generelt i heile Vard framover, skriv Haakonsholm.