Protest mot industriflytting

Deler at produksjonslina for thrustarar blir overført til Kongsberg Maritime sin fabrikk i Rauma i Finland. Dette gjeld montering og test av tradisjonell, mekanisk propulsjon,skriv Kongsberg Maritime i ei pressemelding. (Ein thruster er ein propell i eit rør, og blir brukt til å manøvrere skipet)

30 arbeidsplassar blir berørt, men per i dag er det ingen som blir oppsagde. Om det blir oppseiingar blir klart i løpet av hausten, ifølgje plassdirektør Dag-Johan Skarbø.

Krass kritikk
Fagforeiningane kjem med krass kritikk i si pressemelding:

"Vi forstår at bedriften tar grep for å forbedre resultatet, men vi har derimot liten forståelse for at en flytting av arbeidsplasser fra Ulsteinvik til et annet nordisk land vil gi en betydelig økonomisk gevinst. Dette fører til at sammensetting og test av mekaniske og hybride thrustere fjernes fra fagmiljøet som skapte og videreutviklet dem. Det unike kompetansemiljøet har til nå vært helt avhengig av nærhet mellom utvikling, produksjon og serviceavdelingen. Vi synes også at hensynet til norske arbeidsplasser burde veie tyngre. Kongsberg Maritimes beslutning står i sterk kontrast til lokale bedriftseieres ansvarsfølelse for lokalsamfunn og arbeidsplasser."

Overkapasitet
Med anlegg i Ulsteinvik, Sverige og to anlegg i Finland har Kongsberg Maritime overkapasitet i produksjonen i høve til dagens marknad.

Anlegget i Rauma i Finland er nytt, og det måtte ha blitt gjort store investeringar i Ulsteinvik om produksjonen skulle bli samla der. Anlegget i Rauma har kapasitet til å gjere jobben som i dag blir gjort i Ulsteinvik utan at der må gjerast ekstra investeringar eller tilsette fleire.

Dette er årsaka til at Kongsberg Maritime har konkludert med at å flytte montering av thrustarar til Finland er den beste løysinga, ifølgje Wenche H. Andersen. Andersen er leiar for forretningsområdet Propulsion & Engines i Kongsberg Maritime med omlag 580 tilsette.

Samlar seg i Ulsteinvik
Sjølv om produksjonen av thrusterar blir flytta til Finland og 30 tilsette blir berørt av det blir det fleire tilsette på anlegget i Ulsteinvik.

I tillegg til dei 350 Kongsberg Maritime-tilsette i Ulsteinvik i dag, skal mange av dei som i dag arbeider ved Kongsberg Maritime i Hjørungavåg flytte til Ulsteinvik. Kongsberg Maritime sin leigeavtale i Hjørungavåg går ut i mars neste år. Der er det mellom 80-90 tilsette.

Ved anlegget i Ulsteinvik er laga elektris drivne propell- og propellsystem basert på såkalla permanent magneteknologi sidan rundt midten av 2000-talet. Der er ein teknologi som mellom anna gir redusert energiforbruk. Det er ein marknad som Kongsberg reknar med vil vekse, og som det skal satsast meir på i Ulsteinvik, mellom anna ved å sette opp ei ny produksjonsline.

– Dette er high-end produkt som er etterspurt og attraktive for lokale og globale kundar i ein marknad der bærekraft står i fokus, seier Andresen i pressemeldinga frå Kongsberg Maritime.

Lønsam etter omstilling
All flyttinga og organisasjonendringane skal verre unnagjort i løpet av 2022.

Summen av alle tiltaka er at Propulsion & Engines-divisjonen - også anlegget i Ulsteinvik - då vil vere lønsam, sjølv om den historisk låge nybyggingsaktiviteten i skipsbygging ikkje betrar seg frå dagens rekordlåge nivå.

Det er nybyggingsaktiviteten som er problemet. I ettermarknaden - inspeksjon, reparasjon og vedlikhald - er ordreboka uvanleg velfylt ifølgje selskapet. I Ulsteinvik arbeider omlag 190 av dei tilsette i ettermarknaden.