Fann mykje sild i Barentshavet

Forskarar frå Havforskningsinstituttet fann tre gode årsklasser av sild under forskingstoktet i Barentshavet i fjor.

Ei av årsklassene, som no er to år, er den beste to-årsklassa som er registrert sidan 2004, skriv Havforskingsinstituttet på nettsida si.

Dei siste åra har det vore lite sild i kvar årsklasse. Den siste store årsklassen er frå 2016. Den har gitt gode fangstar, men no er bestanden - og fiskekvotane - på veg ned. Saman med høgt fiskepress gjer det at rådet om kor mykje sild som kan fiskast er redusert med 24 prosent i år, samanlikna med i fjor.

Tre gode årsklasser
Fjorårets tokt resulterte i funn av tre gode årsklasser. Det er først når silda når fire år at den byrjar å bli fiske på. Dei gode funna er dermed ingen garanti for eit komande oppsving i fisket, men dei fortel i alle fall om eit potensielt oppsving to-tre år fram i tid.

Forskarane registerer tre årsklasser. På førre tokt vart ikkje dei austlege deler av Barentshavet undersøkt, slik at forskarane ikkje visste noko om kor stor to-årsklassen ville vere før på fjorårets tokt. Toktet viste at to-årsklassen er den største sidan 2004.