Fann suksessoppskrifta mot korona

Sivert Hasund og Ole Christian Sivertstøl var så vidt komne i gang i nye lokale ved ferjeleiet på Hareid før koronaepidemien kom i fjor.

2020 blei likevel eit godt år for dei to, som no også har ein lærling tilsett.

- Det har utvikla seg ganske bra, men det har vore mykje opp og ned og store utfordringar, seier Sivert Hasund.

Suksessoppskrifta
For Kokk´n Roll blei oppskrifta for klare seg i eit år der det blei færre cateringoppdrag til lag og arrangement, å satse på kundar som ville ha med seg ein nesten ferdi middag heim.

Kokk´n Roll lagar kvardagrettar, pakka i plastposar. som blir henta av kundane i Fjord1 sine tidlegare lokale i Terminalbygget på Hareid og varma opp heime.

- Dei skal klare det meste berre med ei panne med vatn, seier Hasund.

Omlag 65 prosent av driftsinntektene i fjor kom frå sal av ferdigmat som kundane henta sjølve, anslår han.

Inn i Snorrebuda
I år har Kokk´n Roll også kjøpt aksjemajoriteten i Snorrebuda Mat og Vinhus i Ulsteinvik.

Selskapa skal drivast som to uavhengige selskap ifølgje Hasund.