Fekk avtale med kjempereiarlag

- Dette er ei svært stor global kontrakt for Metizoft i Fosnavåg.
- I tillegg vil kontakten gi arbeid for våre datterselskap i både Singapore og Kina, i tillegg til andre samarbeidspartnarar.

Tank-gigant

Dette seier marknadssjef Øyvind Sundgot etter at Herøy-selskapet har fått giganten Frontline som kunde.
Herøy-selskapet har inngått ein rammeavtale på inspeksjonar og oppdatering av farleg material - såkalla IHM (Inventory of Hazardious Materials) på alle Frontline sine skip.
Frontline er eitt av dei verkeleg store oljetankselskapa med fartøy i VLCC, Suezmax og OBO-klassene.
Frontline fraktar i stor grad råolje, og selskapet har kontor i Bermuda, London, Glasgow, Oslo og Singapore.

180 skip

I tillegg til Frontline sine eigne skip, omfattar avtalen med Metizoft også flåten av tørrlastskip til Golden Ocean.
Golden Ocean har kontor i Bermuda, Oslo og Singapore, og har skip i Panamax, Capesize og Ultramax-klassene.
Samla omhandlar avtalen rundt 180 skip.
- Vi er veldig fornøgde og audmjuke over å vere eksklusiv partnar for å imøtekome miljøkrav for Frontline, seier Sundgot.
Han seier at avtalen kan bety fleire tilsette.
- Vi utviklar oss stadig, og dette vil også over tid gi rom for fleire tilsette både ved hovedkontoret i Fosnavåg og ved utekontora.