Felles satsing på straumsal

Dei tre energikonserna Tafjord, Sogn og Fjordane Energi og Tussa planlegg eit felles selskap for straumsal til privat- og bedriftsmarknaden i regionen.
Det går fram av ei pressemelding fredag.
Selskapa er lokalisert i Ålesund, Sandane og Ørsta, og konsernsjefane i kraftselskapa trur satsinga vil kome både selskap, eigarar og kundar til gode.
- Sjølv om vi no planlegg eit regionalt samarbeid, vil det vere like viktig som før å vere til stades i lokalsamfunna våre, både med kundeservice og arbeidsplassar. Kundane skal framleis vite kvar dei finn oss, uttalar konsernsjefane i pressemeldinga.
Det er konserna sine selskap som driv sal av straum til privat- og bedriftsmarknaden, Tafjord Marked, SFE Kraft og Tussa-24, som no skal samarbeide.