Fiskar lodde ved Island for første gang på fleire år

For første gong på fleire år blir det fiska lodde ved Island etter at det blei opna ei kvote på 61.000 tonn tidlegare i veka. Norge har fått tildelt drygt halvparten av kvota, nær 34.000 tonn.
Fem norske båtar er allereie er på plass, og fleire er på veg for å fiske lodda, som av mange blir rekna som ei delikatesse.

– Ser veldig bra ut

Herøy-båten Sjøbris er mellom dei som er på feltet og reiar Sigurd Teige fortel at dei gler seg til å kome i gang.
– Det er flott at det blir opna, slik at vi igjen kan få fiske lodde. Vi håper også at det neste år kan opne for fiske av lodde i Barentshavet. Fiske ved Island er nettopp starta og den første båten Vendla meldte inn nær 500 tonn i dag tidleg til ein veldig god pris. Dette ser veldig bra ut, seier han til NETT NO.
Austevoll-reiarlaget håpte på 6-7 kroner kiloet -men enda med å få betalt heile 9,61 kroner, ifølgje - og omtalar saka under tittelen «Prisfest på lodde fra Island».
Loddefiske er opna på bakgrunn av at fleire islandske forskingsfartøy har undersøkt førekomsten av fiskeslaget. Gode vermeldingar for dei neste dagane gjer at fiskarane har håp om god fangst.

Full fart i sildefiske

Det er også full fart i fisket etter norsk vårgytande sild (NVG-sild). Sildelaget melde måndag om ei gode uke med levering av 33.900 tonn – den beste veka så langt i vinter. Totalt er det fiska 119.000 tonn med sild i januar.
Fisket har gått føre seg i to hovudområde, utanfor Troms - der det meste er fanga vest av Malangsgrunnen og i Norskehavet utanfor Lofotodden, der dei største båtane har vore i aktivitet.
Også fleire båtar har sett kurs mot dette feltet ettersom prisane for den store silda har vorte betydeleg betre, ifølge .