Fjord1 må i ny runde med obligasjonseigarane

Fjord1 ber om at obligasjonseigarane til eit lån på ein milliard kroner lettar på kravet til eigenkapital i selskapet etter at det er klart at reknskapsmessig behandling av landstraumanlegg fører til at totalbalansen i selskapet vert kraftig auka, sjølv om det offentlege etter ferdiggjering kjøper anlegga.
Obligasjonseigarane skal møtast 30. juni, og til obligasjonseigarane.

Auka totalbalanse

Fjord1 sine elferjer får støtte gjennom Nox-fondet og stat og fylke har opsjon til å kjøpe infrastrukturen på land, men først etter at ferjer og infrastruktur er i drift og har vist seg å virke.
Den reknskapsmessige behandlinga av infrastruktur etter sal fører til at Fjord1 sit med ein høgare totalbalanse enn forutsett, noko som gjer at andelen eigenkapital blir mindre og ein kan dermed kome i brot med lånevilkåra til obligasjonslånet, eit lån som forfell i 2023.

Truleg ikkje utsetjing

Vegard Sævik i Havila Holding seier at dette truleg ikkje fører til utsetjing av prosessen med full overtaking av transportselskapet.
- Nei, det betyr berre at vi må leggje til eit nytt element i korleis ein strukturerar prosessen.
I tillegg til Fjord1-obligasjonen, har også Sævik-selskapet Havilafjord ein obligasjon på ein milliard kroner knytt til Fjord1-investeringa.
- Her har vi ikkje starta nokon prosess med obligasjonseigarane, seier Sævik
Saman med amerikanske Vision Ridge Partners tar Havila full kontroll over Fjord1 til ein pris for heile selskapet på 4,75 milliardar kroner.
Då selskapet gjekk på børs i mai 2017, var heile selskapet prisa til 3,2 milliardar kroner.