Flaskehalsen er å få tak i bil

Toyota Nordfjord og Førde hadde ein kraftig vekst frå 2020 til 2021, men i år er tilgangen på nye bilar blitt ein flaskehals.

- Salet er framleis godt, men bilane har latt vente på seg, seier dagleg leiar og medeigar Ørjan Solvang.

Toyota Nordfjord og Førde, med avdelingar i Måløy, Stryn og Førde, har i fleire å vore mellom dei mest lønsame bilforhandlarane på Nordvestlandet. I fjor greidde selskapet både å auke driftsinntektene og lønsemda (sjå tabell).

Lenger ventetid
Medan ventetida for å få levert ein ny bil i fjor var oppe i rundt ein halvt år er den no oppe i over eitt år for dei modellane med lengst leveringstid.

Konsekvensen er at ein del av bilar som blir bestilt i dag først blir levert neste år. Det er først når bilane blir registret at handelen mellom bilforhandlar og kunde blir gjennomført. Ventetida gjer at Solvang har vanskar med å anslå kor store driftsinntektene blir i år.

Færre bruktbilar
Lang ventetid på nye bilar betyr også at færre brukte bilar kjem inn i marknaden. Før kundane får den nye bilen sin held dei på den gamle og dermed blir lange leveringstider ein flaskehals også i bruktmarknaden.

I fjor fordelte driftsinntektene frå nybil- og bruktbilsal seg omtrent 50/50 følgje Solvang.