Fleire generasjonskifte før valet

- Det er ekstra fokus på generasjonsskifte no. Det begynte gjennom 2020, kanskje litt før. Grunnen er at der er enkelte parti som seier dei vil gjeninnføre arveavgifta, seier Ingvild Vartdal i Adviso.
Brønnbåtreiar Roger Halsebakk gjennomførte eit delvis generasjonskiftet i fjor, der barna Anja og Robin blei 24 prosent medeigar kvar. Uvisse om arveavgifta var medverkande til at generasjonskiftet vart gjort no, forklarte Halsebakk.
– Det er spekulasjonar om gjeninnføring av arveavgift og arveskatt, sa Halsebakk.

Fryktar forhandlingane

Inntil partiprogramma før valet er klare, reknar Vartdal med av uvissa rundt arveavgifta vil vare ved. Ei eventuell ny regjering vil truleg ha med fleire parti, som skal forhandle seg fram til ein felles politikk.
Det aukar uvissa.
- Med dei konstellasjonane som er, så veit ein ikkje kva som blir utfallet av forhandlingane, seier advokaten.
Pengane til å betale ei eventuell arveavgift må i stor grad hentast ut av bedriftene, sidan det er få eigarar som sit med ein stor likvid formue personleg, etter Vartdal si vurdering.

Fjerna i 2014

Både advokatselskapa Øverbø Gjørtz, Kvale og Judicia registrerer det same som Adviso, det er større merksemd om generasjonsskifte på grunn av uvisse om kva som skjer etter valet til hausten.
Frå og med 2014 sørgde Solberg-regjeringa både for å fjerne arveavgifta, dei auka botnfrådraget og gjorde solide kutt i formuesskatten.