Samanlikna med 2023 auka Havila Kystruten beleggsprosenten frå 65 til 73 prosent. Gjennomsnittprisen per utleigd lugar auka i same periode frå 3300 til 4300 kroner. Dette, saman med at 2024 blei det første heile året med alle fire skip til Havila Kystruten i drift gjorde at selskapet dobla inntektene sine samanlikna med 2023 og gjekk ut av 2024 med eit positivt driftsresultat. (Sjå tabell).
Havila trafikkere gods- og passasjerruta Bergen-Kirkenes med fire skip, medan konkurrenten Hurtigruten seglar med sju.
Selskapet har ei langsiktig gjeld på 4,4 milliardar kroner, av det 3,1 milliardar til kredittinstitusjonar og finanskostnadane var 793 millioner kroner i fjor. fordelt på 615 millionar kroner i renteutgifter og 184 millionar kroner i valutatap. "De finansielle resultatene reflekterer at selskapet fortsatt er i en oppstartsfase." og "Valutasvingninger, særlig mellom norske kroner og euro, påvirker både resultat og balanse, og resulterte i urealisert kurstap for kvartalet og året", skriv Havila Kystruten i kvartalsrapporten.
Per februar er 53 prosent av gjestekapasiteten i 2025 seld. Målet er å nå 75 prosent og auke gjennomsnittleg lugarinntekt med 20-30 prosent samanlikna med i fjor.
Havila Kystruten skriv i kvartalsrapporten at selskapet sine tilbod om kortare reiser, kombinasjon med aktivitetar før og etter har trekt til seg yngre reisande. Det er ei gruppe med ein høgare betalingsvilje som opnar for å tene pengar på nye tilbod.
| Havila Kystruten as | ||
| Pr. 4. kvartal. I mill. kroner | 2024 | 2023 |
| Driftsinntekt | 1528,9 | 764,2 |
| Driftsresultat | 4,8 | -328,2 |
| Resultat før skatt | -788,1 | -874,4 |
| Havila Kystruten as | ||
| 4. kvartal. I mill. kroner | 2024 | 2023 |
| Driftsinntekt | 402,6 | 249,4 |
| Driftsresultat | -5,9 | -87,2 |
| Resultat før skatt | -140,8 | -282,4 |
Havila Holding eig 59,69 prosent av aksjane i Havila Kystruten. Havila Holding er også aksjonær i Bakkar og Berg Media, som gir ut Nett No.
Publisert: 27.02.2025 17:23
Sist oppdatert: 27.02.2025 17:23
