Fleire luktar på kjøp av luksusbåt

- Ja, interessa har tatt seg opp, spesielt her på Nordvestlandet.
Det seier Svein Erik Palmstrøm, direktør for Princess West Norway.
Han var tilbake på Båt og Caravan-messa i Ålesund i helga, men utan å ha med båtmodellar.
- Det er fleire år sidan vi var her sist. Vi har hatt fleire gode diskusjonar med mulege båtkjøparar.
- Neste år ønsker vi å stille med båt, seier Palmstrøm.

Sunnmøringar i Cannes

Totalt produserer luksusbåtprodusenten i Plymouth rundt 300 Princess i året, der dei minste er er 35 fot, og dei største 131 fot (40 meter, red merk).
Princess brukar å satse stort på dei store båtmessene i Düsseldorf og Cannes.
- Eg traff fleire sunnmøringar under båtmessa i Cannes, seier Palmstrøm.
Hittil er det seld fem nye Princess frå kontoret i Bergen. Dette er båtar som skal leverast i år.
- Blant anna harv vi seld to av nyheita F45, seier Palmstrøm.
Dette er ein båt med ein startpris på vel åtte og ein halv millionar kroner, men av bestillingane er det også ein Princess S66 med startpris på rundt 27 millionar kroner.

- Folk som kan båt

Palmstrøm avviser at Princess-eigarane er av overklassen av båtfolket.
- Nei, det typiske for ein Princess-eigar er at dei kan båt, brukar båten mykje og er veldig opptatt av korleis båten skal sjå ut.
- Dette er også grunnen til at vi inviterer kundane til verftet i Plymouth, slik at dei kan spesialtilpasse båten.

Kraftig fornying

Palmstrøm seier at Princess no kjem med ein heit ny serie etter at selskapet har satsa rundt ein milliard kroner på produkutvikling.
- Det er snakk om ei fantastisk fornying.
- Dette er også grunnen til at fleire tidlegare Princess-eigarar no vurderer å skifte ut gamlebåten, også her på Sunnmøre.
Princess Yachts omsette i 2018 for 340 millionar pund, og hadde då eit driftsresultat på 30 millionar pund.
Selskapet har 3.200 tilsette, dei fleste i Storbritannia.