Det viser trafikktala for Avinor for februar.
Totalt nytta 3.269.370 passasjerar Avinor sine lufthamner i februar. Dette var ein auke på 45 prosent samanlikna med februar 2022. Sjølv om det var ein auke i passasjertala samanlikna med fjoråtret, er trafikktala 16 prosent lågare enn i same måned i 2019.
Den same utviklinga hadde ein for Ålesund lufthamn, Vigra. Her reiste 68 819 passasjerar i februar, som er ein auke på 47 prosent samanlikna med februar i fjor, men 13 prosent bak siste normalåret i 2019.
Fleire fly
Antal fly som landa og letta på Vigra i februar i år var 1228, som er seks prosent fleire enn i 2019 og 48 prosent fleire enn februar i fjor.
Over Molde lufthamn Årø reiste det 27.144 passasjerar i februar i år, 60 prosent opp frå same månad i fjor.
Over Ørsta-Volda lufthamn Hovden var auken på 17 prosent, til 6.860 passasjerar, medan hoppet over Anda på Sandane var på 51 prosent, til 2.582 passasjerar.
Publisert: 13.03.2023 08:44
Sist oppdatert: 13.03.2023 08:44
