Forlengjer reiselivsstøtte

NPK-NTB: Reiselivsbedrifter med stort omsetningsfall skal kompenserast for faste, uunngåelege kostnader, seier næringsminister Iselin Nybø (V). Ordninga gjeld ut året.
Kompensasjonsordninga til reiselivet består av to pakkar på til saman 1,4 milliardar kroner, opplyste næringsministeren på pressekonferansen til regjeringa for reiselivsnæringa tysdag ettermiddag.
– Målet er å hindre at elles levedyktige reiselivsbedrifter går konkurs, å tryggje arbeidsplassar, og gi næringa tid og rom til å tilpasse seg situasjonen, seier næringsminister Iselin Nybø.

40 prosent omsetningsfall

Den nye ordninga byggjer på den mellombelse kompensasjonsordninga som vart avvikla ved slutten av august. Den vil gjelde for mellom anna overnattings- og serveringsbransjen, event- og konferansearrangørar, og dessutan museum og underhaldningsparkar.
Bedriftene må kunne vise eit omsetningsfall på 40 prosent eller meir.
Den gjeld frå 1. september til 31. desember 2020. Bedriftene kan søkje om ei eingongsutbetaling på opptil 10 millionar kroner per bedrift per månad.