Fryktar at reiselivsnæringa blir utradert

Det er i eit intervju med at Skjeldam ber om at regjeringa set i verk langt meir omfattande tiltak enn hittil for å redde reiselivsnæringa.
Han meiner at dagens tiltak langtfrå er nok, og etterlyser langsiktige og retta hjelpepakkar – og at reisegarantifondet vert styrka.

14 av 16 i opplag

Hurtigruten har lagt 14 av 16 skip i opplag. På Kystruten Bergen - Kirkenes opeferer no berre to skip, og dei trafikkerer strekninga Bodø - Kirkenes, i hovudsak med gods.
Også dei to nye Kleven-bygde ekspedisjonscruiseskipa Roald Amundsen og Fridtjof Nansen ligg i opplag.
Til E24 seier Skjeldam at han fryktar Hurtigruten vil vil miste bestillingar for eit par milliardar kroner før hausten på grunn av at sommarsesongen er øydelagt.

- Ikkje tilbake før i 2022

Selskapet har permittert dei fleste tilsette, og leiinga har tatt 20 prosent lønskutt.
No fryktar Skjeldan at ikkje drifta er tilbake i normal gjenge før i 2022, og ber om hjelp til å overleve til då.
Også Havila Kystruten har bede om krisehjelp, men får så langt ikkje gehør ettersom det er eit krav om omsetningssvikt for å få hjelp av dagens pakkar.
Havila Kystruten skal inn med fire skip på Kystruten Bergen - Kirkenes frå 1. januar neste år.

- Urettferdig og konkurransevridande

Adm. dir. Arild Myrvoll seier til at han er skuffa over at regjeringa så langt ikkje har opna for at oppstartselskap som taper pengar får ta del i kriseordningane.
- Vi skulle ha starta billettsalet no, og taper inntekter kvar dag framover, men får ikkje nokon kompensasjon ettersom det er krav om omsetningsfall frå året før.
- Vi ser det som urettferdig og konkurransevridande at vi som nystarta selskap, og som taper pengar på grunn av korona, ikkje skal likebehandlast med andre selskap, seier Myrvoll, som opplyser at selskapet har tatt kontakt med politikarar på Mørebenken om denne saka.