Fuglefjellet endeleg i pluss

- Per tredje kvartal ligg vi an til eit driftsresultat på rundt 200.000 kroner for 2015. Det er vi godt fornøgde med, seier dagleg leiar Toivo Nilsen.
Multimedieselskapet i Ålesund hadde i fjor raude tal, sjølv om åresultatet etter finanspostar enda i pluss.

Inne i byggjebransjen

Historisk har selskapet hatt rundt 75 % av inntektene frå den maritime delen av næringa. No er ein nede på rundt 60 %.
- Den maritime bransjen er framleis vår viktigaste. Dei treng endå meir hjelp i desse dagar, og då er vi der.
Selskapet ser seg likevel meir inn mot andre næringar.
- Vi jobbar i dag meir mot kundar innan akvakultur, fisk, møbel og finans enn tidlegare.
- Byggjebransjen er eit nytt satsningsområde for Fuglefjellet og i haust har vi også landa en del kontrakter i denne bransjen. Det er både hyggeleg og spennande.

Interaktive presentasjonar

Ålesund-selskapet har i dag elleve tilsette, og er eigd 100 % av Trondheim-selskapet Greenway, som er eigd av Q Free-gründer Kai Bogen.
Fuglefjellet gjer framleis film, men satsar meir mot interaktiv film og interaktive selskapspresentasjonar. Som eit resultat av denne satsinga vart det i februar tilsett ein interaktiv produsent .
- Vi har no ein stab som står godt til dagens utfordringar, seier Nilsen.

Samarbeider gjerne

Han seier at selskapet gjerne samarbeider med andre produsentar.
- Vi har mellom hatt prosjekt saman med lokale aktørar som Havnevik, Pikselsmia, IogM, Racer og Magic Air, samt med produksjonsselskap i Oslo som Nordisk Film & TV, OneBigHappyFamily.
- Vi gjer innimellom også prosjekt saman med byrå i Tyskland, Frankrike og England. Dette er noko som fungerer godt for oss, seier Toivo Nilsen.