Fullt trykk i Barcelona

– Det har vore ei veldig bra messe hittil, seier dagleg leiar Sivert Sande i Sjømatbedrifta Finefish i Sande. 

Han tok over som dagleg leiar i selskapet i fjor, og er på sitt første besøk på den internasjonale sjømatmessa i Barcelona. Selskapet er derimot ingen nykomar på messa, har eigen stand og stiller med ni personar på messa. 

Alle dei ni var i full sving samstundes då pågangen på standen var på det høgaste tysdag.

Godt nøgd
Nettverksbygging og det å møte kundar og leverandørar, er poenget med å dra til Barcelona, seier Sande. 

Selskapet har sikra seg stand på same plass som i fjor. Sande er godt nøgd både med messeområde og plasseringa av standen. 

Ei rekkje bedrifter frå Nordvestlandet er på plass på Barcelona-messa, som opna tysdag denne veka og blir avslutta i morgon, torsdag 8. mai.

Statsrådbesøk
– Sjømatmessa er ein viktig møteplass først og fremst for næringa, men òg for oss politikarar. Dette er Noregs nest største eksportnæring. Med handelskrig og uro i verdshandelen er møtepunkt som dette viktige, seier fiskeri- og havminister Marianne Sivertsen Næss i ei pressemelding.

Sivertsen Næss besøkte messa tysdag og hadde eit møte med fleire norske sjømataktørar.

Over 120 norske bedrifter deltok på messa, som reknar med å ha 35.000 besøkande. 

Deltek utan stand
Under ser du ei oversikt over bedrifter som stiller med stand på messa.

Fleire bedrifter reiser til Barcelona utan å ha eigen stand, og brukar messa på møte og kontakt med kundar og samarbeidspartnarar.

Deltakarane frå Nordvestlandet:
 

Ser du nokon som manglar på lista? Gi oss ei melding på redaksjon@nett.no

• Bluewild as, Ålesund
• Brødene Sperre as, Ålesund
• Coast Seafood as, Måløy
• Coldwater Prawns of Norway as, Ålesund
• Domstein Fish as, Måløy
• Domstein Sjømat as, Måløy
• Finefish as, Sande
• Fosnavaag Pelagic as, Herøy
• Global Fish, Måløy
• Jangaard Export as, Ålesund
• Leinebris as, Herøy
• Mathias Bjørge as, Ålesund
• MMC Frist Process as, Herøy
• Nils Sperre as, Ålesund
• Nor Seafoods as, Ålesund
• Nordic Wildfish Sales as, Giske
• Normarine as, Ålesund
• Norsk Sjømat as, Stranda
• Ode as, Ålesund
• Optimar as, Giske
• PHL Seagold as, Herøy
• Polar Seafrozen as, Herøy
• Salmon Evolution asa, Hustadvika
• Sevrin Tranvåg as, Sula
• Silver Seafood as, Molde
• Sjømatkompaniet as, Ålesund
• Star Seafood as, Måløy
• Thermo-Transit Norge as, Ålesund
• Vild Seafood, Ålesund
• Villa Seafood as, Ålesund
• Vikenco as, Aukra
• Vikomar as, Hustadvika
• West-Norway as, Ålesund