Første fisk i anlegget i mars

Selskapet er i rute til å sette første fisken ut i anlegget i mars neste år, melder Salmon Evolution i kvartalsrapporten for 3. kvartal.

Les børsmelding her

Fisken som skal ut i anlegget har nådd ein vekt på over 200 gram i smoltanlegget til Kraft Laks i Volda, ifølgje rapporten.

Salmon Evolution kjøpte smoltprodusenten Kraft Laks for 76,5 millionar kroner i august i år. Det sikra smoltproduksjonskapasitet som er stor nok til å forsyne første byggetrinn av Salmon Evolution sitt landbaserte oppdrettsanlegg i Indre Harøy i Romsdal.

Etter at Salmon Evolution blei børsnotert i september 2020 fall aksjekursen frå 7,5 kroner pr. aksje til 5,06 kroner pr. aksje i slutten av oktober.

I januar 2021 var kursen oppe i 7,55 kroner pr. aksje før det kom eit nytt fall, til 5,65 i starten av mai 2021. I dag, klokka 09:17 er kursen 8,72 kroner aksjen. Det er rekordnotering for selskapet og verdset Salmon Evolution til 2,7 milliardar kroner.