Giørtz og Rebbestad fekk Mørebil

Tomta er på over fem mål, og er det siste større ledige næringsbyggarealet i Ørsta sentrum.
Kommunen har hatt bygget for sal i fleire år, og i dag, torsdag 27. mars, gjekk salet i boks.
På slutten sto det att to konkurrentar, legane på Ørsta Helsesenter mot grossistselskapet H.I. Giørtz Sønner as i Ålesund og Ørsta-kjøpmann Arne Johan Rebbestad. Begge vil byggje ein kombinasjon av nærings- og bustadsbygg.

Utsett

Giørtz/Rebbestad hadde det høgste bodet, 6,5 millionar kroner. Det var ein halv million meir enn legane og ei gruppe investorar dei hadde med seg, var viljuge til å gi.
, men utsette saka fordi representantane ville ha meir informasjon.
No er avgjerda teken.

Kan starte i 2015

-Vi har fått tilslaget, seier ein nøgd Arne Johan Rebbestad.
Busselskapet hadde tidlegare verkstaden sin på tomta, og Rebbestad seier bodet er gitt med atterhald om at undersøkjingar av kva som finnes i grunnen, og storleiken på kostnadar som vil følgje med eit eventuelt krav om reinsing.
I beste fall kan riving og bygging kome i gang i 2015, i følgje Rebbestad.

Kan bli legesenter

Legane i Ørsta ville byggje ny helsestasjon på tomta. Rebbestad vil førebels ikke gå i detaljar om utbyggingsplanane, men seier det kan bli aktuelt å byggje for utleige til legane.
- Vi kan vere opne for eit samarbeid, seier han.
Reguleringsplanen for området er slik at tomta kan utnyttast fullt ut, berre det blir plass til nok parkeringsplassar.
Det blir og lov med minst tre etasjer, og Rebbestad vonar det blir gitt løyve til fire.