![God Jul fraa NETT NO](/imager/images/146278/God-Jul-fraa-NETT-NO_859d8f71e51cdcc79197ecd3648d156c.webp)
God Jul frå NETT NO-redaksjonen!
Då innhaldet av NETT NO-magasinet 2021 vart planlagt i vår, vurderte vi at rekruttering og tilgang på arbeidskraft kom til å bli eit viktig tema i år. Det fekk vi rett i, men vi undervurderte kor viktig det faktisk skulle bli.
Klikk her for å lese heile magasinet
No har auka smitte og ein ny variant av koronaviruset på ny skapt uvisse, først og fremst for dei bransjane som lever av å samle folk.
Men skilnaden frå no og då pandemien kom i 2020 er at både styresmaktene, næringslivet og vi alle sit med meir erfaring i korleis pandemien skal handterast. Dessutan er vaksiner tilgjengelegeog nye og betre tilpassa vaksiner kan kome raskare på marknaden enn då ein måtte starte heilt frå grunnen av i starten av fjoråret.
Det gir grunn til håp om at dei siste innstrammingane i smitteverntiltaka blir kortvarige samanlikna med korleis det var i 2020, og at den utviklinga vi såg gjennom 2021 skal halde fram.
Det betyr mellom anna at konkurransen om arbeidskrafta vil vere stor, og at rekruttering framleis vil vere ein flaskehals for vekst i næringslivet.
Hugs også den viktigaste grunnen til at rekruttering har blitt meir krevjande, rett og slett at det går bra i næringslivet på Nordvestlandet.
NETT NO følgjer tradisjonen frå starten, med å publisere artiklane frå årets NETT NO-magasinet gjennom jule- og nyttårshelga. Artiklane er tilgjengelege for alle, både abonnentar og komande abonnentar.
Vi ønskjer våre lesarar og annonsørar ei retteleg God Jul!
Kjetil Haanes, Ogne Øyehaug og Marius Rosbach
Publisert: 23.12.2021 10:30
Sist oppdatert: 23.12.2021 10:56