Børsdagen: God start for Norva24
Opp 60 prosent sidan botnen i november 2023.
Aksjekursen til Norva24 er opp nesten 21 prosent hittil i år. Men oppturen starta allereie i november 2023, då kursen i selskapet som spring ut industrimiljøet i Stryn, nådde sitt hittil lågaste nivå sidan selskapet blei børsnotert - 17,80 kroner aksjen.
Då hadde kursen falle frå 36 kroner aksjen, i rykk og napp heilt sidan slutten av januar 2023. Med dagens kursoppgang på 7,10 prosent, til 28,65 kroner aksjen, er Norva24-kursen tilbake på nivået frå april i fjor.
Norva24 har spesialisert seg på vedlikehald av infrastruktur under bakken. Aksjen er notert på børsen i Stockholmog selskapet driv verksemd i fleire land, med Noregs som største marknad. Hovedkontoradressa er Stryn.
Norva24 vart børsnotert i desember 2021. Då var kursen 31,40 kroner aksjen.
| Børsdagen | ||
| Selskap | Kurs i kroner | %-Endring i dag |
| Statt Torsk | 0,64 | 11,54 % |
| Norva 24 Group* | 28,65 | 7,10 % |
| Havila Shipping | 5,29 | 2,32 % |
| Sparebanken Møre | 84,62 | 0,86 % |
| Hexagon Purus | 8,81 | 0,46 % |
| Hexagon Composites | 24,64 | 0,33 % |
| Havila Kystruten | 0,73 | 0,00 % |
| Endúr | 41,90 | 0,00 % |
| Atlantic Sapphire | 1,55 | -0,39 % |
| Salmon Evolution | 6,70 | -0,59 % |
| Hav Group | 12,55 | -1,18 % |
| Golden Energy Offshore Services | 1,36 | -1,31 % |
| Arctic Bioscience | 10,35 | -1,43 % |
| Eqva (tidl. Havyard Group) | 3,10 | -1,59 % |
| Hofseth Biocare | 2,60 | -1,89 % |
| * Kurs i SEK |
Publisert: 22.01.2024 17:06
Sist oppdatert: 22.01.2024 17:45