Håpar på opposisjonen

- Vi må sette vår lit til Stortinget og statsbudsjettet, seier dagleg leiar Arnfinn Ingjerd i interesseorganisasjonen Maritimt Forum Nordvest etter å ha sett på Regjeringa sine framlegg til tiltak for å halde økonomien i gang.

Regjeringa presentere tiltak måndag, og no håpar Ingjerd at opposisjonen på Stortinget vil plusse på med tiltak for verft og andre maritime bedrifter når framlegga frå Regjeringa skal behandlast. Neste mål er å få gjennomslag i statsbudsjettet for nese år, som blir lagt fram om få veker.
- Det er der vi må jobbe. Vi har blitt vist ein betydeleg forståelse frå opposisjonen, seier han.

Vil ha kontantstøtte

Øverst på ønskelista Maritimt Forum hadde før Regjeringa la fram nye krisetiltak i dag var ei kompensasjonsordning til maritime bedrifter. Den burde omfatte også bedrifter som hadde underskot i fjor, og nystarta bedrifter, seier Ingjerd.

Lite jubel

Næringsminister Iselin Nybø og distrikt- og digitalminister Linda Hofset Helleland besøkte Vard-verftet i Tomrefjord i slutten av mai for å legge fram den første krisepakken retta mot maritime bransjen.

Framlegget omfatta framskunding av oppgradering av militærfartøy, ei låneordning for å stimulere til flåtefornying og meir pengar til forsking og utvikling, i alt 684 millionar kroner fordelt på åra 2022-2024.
Administrerande direktør Asle B. Strønen i sals- og marknadsføringsorganisasjonen Norske Skipsverft var misnøgd med det regjeringa presentere den gangen.
– Ifølge det som foreløpig er kome fram tiltakspakke tre fryktar eg at regjeringen er alt for defensiv i forhold til skipverfta sitt industrielle behov, sa Strønen.