Har sikra seg til sommaren 2021

Banklån, med og utan statsgaranti - saman med omfattande permitteringa har halde Alh-konsernet gåande etter at koronaepidemien kom som eit sjokk i mars i år.
- 2020 blir eit tøft år. 2021 blir eit tøft år. Det er vi rimeleg sikre på, seier Ante Giskeødegård.
Men trass tøffe tider har konsernet, med 44 sysselsette årsverk i år, sikra seg tilgang på likviditet i alle fram til sommaren 2021, seier Ante Giskeødegård.
Innan vi kjem dit trur han samfunnet er i ferd med å vende tilbake til normalen.

Kultur- og underhaldingskonsern

Søskenbarna Ante og Lars Berg Giskeødegård eig Alh (Ante og Lars Holding) 50/50.
Konsernet omfattar mellom anna konsert-, festival og konferansearrangørselskapa Momentium Live, Momentium Event og Momentium Konferansen, konsertscene og serveringselskapet Terminalen Byscene, servering- og bryggeriselskapet Molo Brew, musikkstudioet Ocean Sound Recording og selskapet Øygardshamna.
Øygardshamna på Giske husar fleire selskap i kulturbransjen som delvis er spunne ut av miljøet rundt Ante og Lars Berg Giskeødegård, og rommar også store selskap- og konferanselokale.

Verst ramma

Ante og Lars Berg Giskeødegård er også medeigarer i restaurantselskapet Bro i Ålesund.

Kort sagt - nesten alt dei driv på med er basert på å samle folk, stikk i strid med tiltaka for å begrense smittespreiinga.
I går var omlag 120 personar samla på fiskerikonferansen "The next wave" i Øygårdshamna i eit lokale som rommar 400. No må dert vere meir plass mellom folk, men Giskeødegård seier det framleis er råd å arrangere konferansar og samlingar på storleik med årets "The next wave", også etter dei strengare tiltaka regjeringa kom med i går.
Berg- og dalbane seier Giskeødegård om korleis 2020 har vore. Slik blir det enno ei stund.
- Status er at det er mykje uavklart og usikkert, seier Giskeødegård.

Planlegg for vanleg drift

Giskeødegård seier han reknar med at samfunnet kan vende tilbake til normale frå sommaren 2021 og at konsernet planlegg ut frå at det skal skje.
Problemet er at planleggingsarbeidet må skje omlag som normalt, men utan kostnadane som vanlegvis følgjer med.
Giskeødegård skulle gjerne hente fleire tilsette tilbake frå permisjon. Han har to grunnar for det, at han treng innsatsen deira og at han fryktar at folk som er permitterte etterkvart finn seg andre jobbar utan for kultur- og underhaldningbransjen.
Den kompetansen som i så fall går ut av bransjen vil det ta lang tid å bygge opp på ny, fryktar Giskeødegård.
Han har eitt ønskje på bransjen si side.
- Vi ønskjer ordningar som gjer det mogleg å halde folk i arbeid, seier han.

Les også:

Podium: