Haram får Ocean Industry School

Frå hausten i år blir dei 300 elevane ved Haram Vidaregåande School en del av Ocean Industry School-programmet. Rektor Jan Magne Helland har store forventingar.

-Vi ønskjer å gi elevane auka kompetanse ved å bruke kunnskapen som er i næringslivet, seier han.

Ved å trekke inn folk frå næringslivet inn i undervisninga håpar Helland elevane både skal få ekstra kunnskap, skape interessante og inspirerande læringssituasjonar, og heve kompetansen også til lærarane.

Klar til hausten
Skulen markerte den nye statusen denne veka, men det er først til hausten av elevane får merke skilnaden. På mandag startar arbeidet med å planlegge opplegget for dei einskilde faga og studieretningane.

Til skilnad frå Spjelkavik Videregående skole, som allereie har status som Ocean Industry School, tilbyr Haram Vidergåande skule undervisning også i yrkesfag, i tillegg til studiespesialisande fag. Det gjer at skulen i Haram må byggje på og utvikle tilbodet vidare enn i Spjelkavik.

Inn i all undervisning
Ideen og initiativet til Ocean Industry School spring ut frå arrangementet Ocean Talent Camp, som først blei arrangert under Nor-Shipping i Oslo, og seinare også i Ålesund.

Ocean Talent Camp tilbyr bedrifter og utdanningsinstitusjonar å presenterer seg for elevar og studentar. I fjor blei Ocean Talent Camp arrangert i Ålesund for andre gang, med over 3500 elevar og studentar på besøk.

Les meir: Full fart på Ocean Talent Camp

Tanken med Ocean Industry School er blant anna å gjere elevane meir kjent med næringslivet i lokalmiljøet sitt - og spesielt dei maritime og marine næringane, og trekkje næringslivet og kompetansen der inn i undervisninga. Det er ikkje snakk om eit eige utdanningstilbod, men å trekkje næringslivet inn i alle fag, frå språk til mekanikk.

Ulstein neste
Arnfinn Ingjerd i Maritimt Forum Nordvest, seier interesseorganisasjonen for dei maritime næringa har vore medspelear under etableringa av Ocean Industry School i Haram.

I følgje Ingjerd arbeider også Ulstein Vidaregåande skule med å bli ein Ocean Industry School, og Ingjerd håpar Ulstein kan vere klar med eit tilbod til elevane frå skulestart hausten 2016.