"Kontrakten markerer det amerikanske gjennombruddet for HAV Design, som blir den første europeiske skipsdesigneren til å utvikle en SOV for det amerikanske markedet.", skriv Hav Group i ei børsmelding.
Hav Design er eit datterselskap i Hav Group. SOV er ei forkorting for Special Operations Vessel, ofte brukt om service- og konstruksjonsskip til vindkraftanlegg til havs.
Kontrakten opplyser ikkje kva Hav Design får betalt for oppdraget.
Kunden er selskapet Crest, som er eit samarbeidsselskap mellom USA-selskapet Crowley og danske Esvagt.
Fartøyet skal brukast utanfor kysten av Virginia i USA, skriv dei to selskapa i ei felles pressemelding.
Før Hav Design og fleire andre selskap blei skilt ut frå Havyard Group og lagt inn i Hav Group, hadde skipsdesignarane der teikna fleire vindkraft-skip som Esvagt fekk bygd hos Havyard Leirvik.
Kvar skipet Hav Design skal teikne for Crest blir bygd er ikkje avklart, men amerikansk lov krev at det skal byggast i USA. Fartøyet skal settast i drift i 2026.
Hav Group sende ut børsmelding om kontrakten klokka 15:00.
Då var aksjekursen i selskapet 8,99 kroner aksjen. Ved børsslutt var kursen 8,90 kroner aksjen, ned 0,56 prosent samanlikna med kursen ved børsslutt i går.
Hav Group blei børsnotert i mars 2021. Då var kursen 15,50 kroner aksjen. Toppnoteringa for selskapet var i mars 2022. Då var kursen 17,80 kroner.
| Børsdagen | ||
| Selskap | Kurs i kroner | %-Endring i dag |
| Arctic Bioscience | 12,85 | 12,72 % |
| Havila Shipping | 14,78 | 4,82 % |
| Hexagon Composites | 33,74 | 3,24 % |
| Statt Torsk | 1,69 | 1,20 % |
| Havila Kystruten | 10,25 | 0,99 % |
| Salmon Evolution | 8,29 | 0,48 % |
| Endúr | 27,88 | 0,22 % |
| Eqva (tidlegare Havyard Group) | 2,99 | 0,00 % |
| Sparebanken Møre | 80,00 | 0,00 % |
| Hofseth Biocare | 3,09 | -0,32 % |
| Golden Energy Offshore Services | 1,37 | -0,36 % |
| Hav Group | 8,90 | -0,56 % |
| Hexagon Purus | 25,96 | -0,76 % |
| Norva 24* | 34,34 | -0,81 % |
| Nortel | 20,00 | -0,99 % |
| Atlantic Sapphire | 7,26 | -1,96 % |
| *Svenske kroner |
Publisert: 17.01.2023 15:30
Sist oppdatert: 17.01.2023 16:54
